Pasian Thugen ngaihsak Ni

 

TONGKUP-ZAITHA


Tuni in nang a diing a Pasian thugen bang ahia? Pasian in banglam ah nang a hung houpih a? Pasian aw gin na zaa thei na hiam?

Khatvei-vei Pasian aw (voice) a kizaa theihlouh hun om hileh kilawm bang in a omthei mawk hi. Job in zong ama hunlai in Pasian houpih aw (voice) a na zaa theikei a, tuachiin phun chihtak in a phun hi.

Hichibang a Job a phun chiang in Elihu in in hibang in a hung dawngta hi: “Ke'n k'ung dawng diing hi: Pasian pen mihing zousiah saang a lianzaw ahi. Bang diing a Amah tung a phun a, ‘Ama'n ka thugente khat beek a hung dawngkei diing hi,’ na chih e? Mihing in theisiamkei lezong, Pasian in lam tuamtuam pansan in thu a gen hi” (Job. 33:12-14).

Hibang a Elihu thugente, Job a diing bek a i na koih leh, eite a diing zong a na hi veve ahi.

“Pasian in lam tuamtuam in thu hong gen napi-in, Ama thugente khempeuh kuamah in thudon lo hi”- (Job. 33:14-Tedim Bible).

Tualeh Pasian thugen, thudon lou mite tawh kisai a Billy Graham thugen hoih mahmah khat ahihleh hih ahi:

“Hinna a lut diing a kisa kawm-kawm a Pasian ngaihkhiatna pen nisa (sun) nuai a khuai-nun khawi tawh kibang ahi a, a neem deuhdeuh hi; hilezong Pasian thu ngaikhia thou sam napi a, a zaak Pasian thu pan a kikheel a sawmloute ahihleh nisa (sun) nuai a tungman bang ahi a, a taak deuhdeuh hi,”- Billy Graham.

Ei Zomi innkuante, a diak in lamka tawh kisai khaakna nei zomite lak ah, mi lungtaak, Pasian thu in a zohlouh tampi ki-omta ahih tuak a, dahhuai mahmah hi. Tuni in Pasian khut ah kipiakhia in, i ki-apthak diing uh hi.

Toupa aw, na deihna bang hi a, ka tung a hibangte hung om ahia? Ka tu dinmun ah, na aw zaak theihna hung guan inla, hung zaa-sak in..! Na deihna leh na hoihsakna ah kung kipia hi….! chi in Toupa kiang i zuan thak diing uh hi.

Comments

Post a Comment

Popular posts from this blog

PASIAN IN MIHINGTE TUNGTAWN IN NASEM HI

Image
  TONGKUP-ZAITHA PASIAN ahihleh VANGLIANPA ahi a,  hilezong Ama'n mihingte tungtawn in nna a sem hi. ~ Leonard Ravenhill Mihingte tungtawn a nna a semkhia Toupa Pasian in nang tungtawn a, a sepkhiat diing, sepkhiat louh bangzah hiam a neilai khamoh kei diing hi! Suangtangte na-ngawn a na semtu a zak sawmpa, Toupa in, nang tungtawn a na innkuante lak a, a semkhiat sawm bang hiam om ngei-ngei diing ahi!   Mi tampite'n, Pasian zaktaak ka hikei , Pasian nna sem diing in ka chingkei a chi ua, ama'uh leh ama'uh Pasian a diing a chinglou in a kibawltawm uh hi! hichibang mite lungtang ah Pasian in mun a neikei chihna ahi. Nang zong ama'uhte lak a khat na hikha deh aw!  Pasian a diing a mi kiliansakte kammal ahi, chih thei in. Mi tampite'n, Pasian zattheih-louh leh zattaak lou ahihdante uh a gen ua, ama'uh a om bukimloute a muthei mahmah ua, suanlam tampi a nei uh hi; hihzong pen Pasian a diing a mi kiliansakte kammal ahi. Aziak pen Pasian in, leitung mihingte etbang...
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more