PASIAN IN MIHINGTE TUNGTAWN IN NASEM HI

 



TONGKUP-ZAITHA

PASIAN ahihleh VANGLIANPA ahi a, 
hilezong Ama'n mihingte tungtawn in
nna a sem hi. ~ Leonard Ravenhill

Mihingte tungtawn a nna a semkhia Toupa Pasian in nang tungtawn a, a sepkhiat diing, sepkhiat louh bangzah hiam a neilai khamoh kei diing hi!
Suangtangte na-ngawn a na semtu a zak sawmpa, Toupa in, nang tungtawn a na innkuante lak a, a semkhiat sawm bang hiam om ngei-ngei diing ahi!  

Mi tampite'n, Pasian zaktaak ka hikei , Pasian nna sem diing in ka chingkei a chi ua, ama'uh leh ama'uh Pasian a diing a chinglou in a kibawltawm uh hi! hichibang mite lungtang ah Pasian in mun a neikei chihna ahi. Nang zong ama'uhte lak a khat na hikha deh aw! Pasian a diing a mi kiliansakte kammal ahi, chih thei in.

Mi tampite'n, Pasian zattheih-louh leh zattaak lou ahihdante uh a gen ua, ama'uh a om bukimloute a muthei mahmah ua, suanlam tampi a nei uh hi; hihzong pen Pasian a diing a mi kiliansakte kammal ahi. Aziak pen Pasian in, leitung mihingte etbang in a enkei a, mihingte ngaihdan a chingte Amah a diing a zong ching, chihna a hipai samkei hi! 

Pasian mizak manphatak, leitung a Toupa Jesu Khrist a diing a techi (witness) hoihtak hihna diing in anhuanbuk (kitchen) lou khohna (field) nasepna mun (office), sum zonna mun/ Dawr chihte ahihleh mun poimawhtak ahi. 

Mihingte tungtawn a nasem PASIAN VANGLIANPA in nang tungtawn in zong sep ut nei hi! nang na ut hiam? 

Bible: 
1. Isai 46:10, "Silte kipat chiillai a, a tawpna diing phuangpa leh, taanglai hun a kipan a, sil hung om diingte phuangpa in, “Ka tupna a dingkip diing a, ka ngiimnate ka mualsuah diing hi,” a chi hi.

Pawtkhiatna 3:10, "Tua ziak in hung pai in, Egipt gam a kipan a ka mi Israelte va-lakhe diing in, Faro kiang ah k'ung sawl diing hi,” a chi hi.

Matthai 28:19-20, "Tuaziak in pai unla, nam chin a mi nungzui in bawl unla, Pa leh Tapa leh Kha Siangthou min in baptis un, thu k'ung piak zousiah zui diing in thu hilh un, tualeh ngai un, kei bang chik tan in leitung tawpdong in na kiang uah ka om gige diing,” achi hi. Amen.


TOUPA THUPHA



Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more