ETTONTAAK, LARA DUTTA-TE NUPA

By: Pastor Thangdoulal Suantak

 

Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.

 

2013 IPTL

Mahesh in kum 2013 a kipan in project thanop-huaitak leh khantouhna diing a hoih IPTL kichi project a paipih hi. Tuachiin, “Individual sport a pan in ‘team’ dan in ka paitou ua, leitung luahdim ‘Media’ lam ah zong ka punghaat mahmah uh hi. Kum 2014 in India ah Roger leh Raffa (Roger Federer leh Raffael Nadal) ka samluut ua, hih pen lawhchinna thupitak ahi,” a chi hi.

Hilezong kum khat leh kha guk zawhlam in IPTL in sum-le-paai ah haksatna a tuak a, tua haksatna pen Mahesh in, “Hun haksatak ahi. Zi leh ta nei a, ki-ngakna diing a hun sawtpi i buapih nna khat mualsuahna diing a haksa mahmah hi” a chi hi. “Ahinlah kei saang a lawhchingzaw zi ka nei a, amah tungtawn in hung kilem in teh, chiin ka ngaihtuah a, hilezong ka project tawpsan ka utkei hi. Tuachiin hunhaksatak a din haksatak a thuak in, ka thuakte tungtawn a Pasian in a bawl ut bang ahi diam? chih ngaihtuah in ka omta hi. A tawpna ah, company, ‘fashion & beauty’lam in thupukna a hung nei ua, tua pen ‘Tennis’ a diing a hoihna a hung suakta hi. Tuabang a company tawh pangkhawm a a ki-omtak in, mi hausa leh mi minthang tamtakte zong a hung om ua, tua pen IPTL a diing a zong dinkipna khat a hung suakta hi,” a chi hi.

Mimal Ki-etna Diing: Mahesh in a bul a na pat IPTL hoihna diing in Fashion & Beauty-te a poimawhlam uh a theikei a, Tennis leh Fashion zong a kisaikhaak-lam a theikei hi. Hilezong a muan Pasian, zingsang naili sial a amai a a ki-aapna gigepa in amah a diing a hoih diing nnate bawlsak hi. Nang hileteh bang na chi-tam??

 

4AM CHALLENGE

Mahesh in a dinmun a genna ah, “Hichiangtan a ka dintheihna diing a lungsim ka neihna ziak ahihleh, kum sawmnih paita-lai a Pasian ka na belhziak ahi. Mumbai a ka luut kum sawm paita sung in, Saptuam khat beel in Pasian ka bia a, tuachiin Pasian tawh ka kizopna uh a hung hoihtou zeel a, tuachiin tu kum January kha a kipan in ka zi Lara tawh 4am Challenge ka kalsuanpihta uh hi,” a chi hi.

Ka zi Lara in zong ka innsung khawsakdante uh gen in, “Sil dang zousiah saang in Pasian a kipiakluut ka poimawhsak masa pen uh hi. Tu kum kum bul a kipan in 4am Challenge ka kalsuanpih ua, ka innkuan un zingsang naili sial in, Pasian bia leh phat in ka ki-aap uh hi. Kei diing in, ni thak leh hun thakte Pasian in kei a diing a a bawl ahi chih hung theisak leh hung ngaihtuahsaktu ahi a, ni sial a kipak leh nuam a ka om diing ahi,” a chi hi.

Mimal Ki-etna Diing: 4am Challenge na kalsuanpih zou diam?? Ni thak leh hunthakte Pasian in nang a diing a a hung piak ahi a, lungdamtak in or hehna omlou in sunni na tumzou diam??    

 

BIBLE BEFORE FACEBOOK

Lara leh Mahesh in a nisim hinkhua uh hoihtak a a zaktheihna diing un chiindan hoihtak khat a nei uh hi. Ama’un zingsang phalvaak a thu-ngetna pen a hun haksate uh beisakna dan in a ngaihtuah uh hi. Zingsang sial in social mediate, a diak in facebook a luut masalou in Bible a sim masa gige ua, Mobile phone khoih masa lou in Bible a en masa ua, a hinkhua uah a masa pen in Bible a koih ua, tua pen a innkuan ua a zuih diing uh ahi hi.

Mimal Ki-etna Diing: Na Bible leh na cell phone khoi pen na khoihtamzaw diam? Zingsang devotion na pai gige hiam? Bible sim masa lou in whatsapp messages na sim masakha maw??

 

LARA DUTTA-TE NUPA KI-NGAKNA BIBLE TAANG

Paunakte. 8: 17-18. “Kei hung itte ka it a, tualeh taimatak a hung zongte'n a hung mu uh hi. Hauhsaknate leh zahtaknate ka kiang ah a om a, hauh denna leh lawhchinna ka kiang ah a om hi.”

 

 

 

 

 

 

 

 

 

 

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more