Pasian Thugen ngaihsak Ni
TONGKUP-ZAITHA Tuni in nang a diing a Pasian thugen bang ahia? Pasian in banglam ah nang a hung houpih a? Pasian aw gin na zaa thei na hiam? Khatvei-vei Pasian aw (voice) a kizaa theihlouh hun om hileh kilawm bang in a omthei mawk hi. Job in zong ama hunlai in Pasian houpih aw (voice) a na zaa theikei a, tuachiin phun chihtak in a phun hi. Hichibang a Job a phun chiang in Elihu in in hibang in a hung dawngta hi: “Ke'n k'ung dawng diing hi: Pasian pen mihing zousiah saang a lianzaw ahi. Bang diing a Amah tung a phun a, ‘Ama'n ka thugente khat beek a hung dawngkei diing hi,’ na chih e? Mihing in theisiamkei lezong, Pasian in lam tuamtuam pansan in thu a gen hi” (Job. 33:12-14). Hibang a Elihu thugente, Job a diing bek a i na koih leh, eite a diing zong a na hi veve ahi. “Pasian in lam tuamtuam in thu hong gen napi-in, Ama thugente khempeuh kuamah in thudon lo hi”- (Job. 33:14-Tedim Bible). Tualeh Pasian thugen, thudon lou mite tawh kisai a Billy Graham thugen ho...