GINNA LEH PILNA
“Ginna
ahihleh kalbi, bangtan a saang chih a unpi in kimukei lezong a khe-tot masa pen
tuan/siik a kahna or kalsuanna ahi,” Martin Luther King Jr.
Pilna
leh Ginna, Ginna leh Pilna ahihleh sum-siik (coin) bang a, a kinusia omlou a
zawkkhawm diing in Pasian Laisiangthou in deih a, hilezong mihingte hinkhua ah
hih sil nih tegeel, a hingkhawm siamkei mawk uh hi, chih diing bang in om mun
mahmah hi.
Ginna
leh Pilna kimeelmalou napi in, ginna pen leitung pilna tawh et in a pil huailou
abang hi. Leitung pilna in ginna pen pilna in tuat ngailou diing hileh kilawm
hi.
Ginna
ahihleh muhkholhna omlou a, Pasian muanna a kalsuanna ahi. “Ginna in, Abraham
in a nung chiang a, a goutan diing mun a sap a, a omlai in a thumang hi; tualeh
khoilam a pai diing chih zong theilou in a paikhia hi,” Heb. 11:8.
Pilna
panglou Ginna pen khoksakna neilou, theihsiamna omlou a kalsuanna ahithei hi.
Ginna
panglou Pilna zong, mihing suangtuahna ah a ki-nga ut mahmah a, hih in Pasian
silbawltheihna a kilatna diing pindan a omsak kei thei zeel hi.
“Na
lak ua kuapeuh in pilna a taksap leh, mi zousiah kiang a phaltak leh itlou a
pia Pasian kiang ah ngen hen, tuachiin a kiang ah piak ahi diing hi. Hinanleh
ginglah ken, ngen hen. Aziak ginglahmi pen tuipi kinawk huih mutleng kawikawi
bang ahi.” Jakob 1:5-6.
“Toupa
laau pen pilna kipatna bulpi ahi a, A siangthoupa theihna pen theihsiamna
kipatna bulpi ahi hi.” Thuhilhna 9:10.
Ginna
in Pasian kamchiamte hung muangsak a, pilna in hua Pasian kamchiamte a hinkhua
zak diingdan a hung hilh hi.
Ginna
in mailam nawt diing in hangsan a hung pia a, pilna in i khetot diingte a hung
kawkmuh hi.
Faith
fuels vision, wisdom shapes action. Together, they create a balanced walk.
Comments
Post a Comment