TONGKUP-ZAITHA

  TONGKUP-ZAITHA “Ginna ahihleh kalbi, bangtan a saang chih a unpi in kimukei lezong a khe-tot masa pen tuan/siik a kahna or kalsuanna ahi,” Martin Luther King Jr. Pilna leh Ginna, Ginna leh Pilna ahihleh sum-siik (coin) bang a, a kinusia omlou a zawkkhawm diing in Pasian Laisiangthou in deih a, hilezong mihingte hinkhua ah hih sil nih tegeel, a hingkhawm siamkei mawk uh hi, chih diing bang in om mun mahmah hi. Ginna leh Pilna kimeelmalou napi in, ginna pen leitung pilna tawh et in a pil huailou abang hi. Leitung pilna in ginna pen pilna in tuat ngailou diing hileh kilawm hi. Ginna ahihleh muhkholhna omlou a, Pasian muanna a kalsuanna ahi. “Ginna in, Abraham in a nung chiang a, a goutan diing mun a sap a, a omlai in a thumang hi; tualeh khoilam a pai diing chih zong theilou in a paikhia hi,” Heb. 11:8. Pilna panglou Ginna pen khoksakna neilou, theihsiamna omlou a kalsuanna ahithei hi. Ginna panglou Pilna zong, mihing suangtuahna ah a ki-nga ut mahmah a, hih in Pasian silb...