GINNA= TONGKUP-ZAITHA-09102025-282

 

“Ginna chih kammal in a gen nop diktak pen ahihleh ‘tawpsanna, kipiakna ahihkeileh ki-aapna’ ahi. Ginna pen bukimtak a kimuanna zong ahi.

Lungkiatna pen Ginna gaalkhat a om mizia khat ahi a, hih pen na hinkhua a Pasian nna septe doudaalna diing a Satan thumopna leh vanhzak ahi” – Billy Graham

Ginna i chih chiang in, banghiam sil-khat a kinepna i neihte uh ataktak ahihdan theihchetna leh, a tak a i leitung mit tawh i muhlouh uh nna leh sil, kinepna i ngakna pen uh i theihchianna uh ahi, chi in Heb.11:1 na in a hung hilh hi.

Tualeh theihna i chih chiang un, mite zaleenna petu khat ahihziak in mikaangte’n, “Knowledge liberate people” chi in a na gen uh hi.

Na ginna in na Pasian a hung theichiansak taktak hiam? 

na Pasian, i Pasian theihna kichian nei taktak lechin tu bang lawmlawm lou maithei diing na hi, chih ngai na hihkhaak leh pen a “Ki-chai” na hita, chihna ahi a, theilou a na kitheihsak Pasian kiang na zot thak ngai chihna ahi. Pasian lam ah hung pai in!

Na ginna in na Tanpa hung theichiansak leh hichilou deuh maithei diing hiveteh aw! Chihte leh hih nu, hih pa neinoi gige mawngmawng, chih a mite gen gigete na hihkhaak lezong, Pasian kiang ah hung kiik thak in! Na ginna in na Pasian a hung theihchetsak chiang in, hua na theihchetna in, a neinoi lou diing in hung kheel zou mahmah diing ahi.

Ginna ka nei chi a, a ut bangbang a omte, a ginna in a hinkhua a kheel louhte, leh a ginna in Pasian a muhchetsak zohlouhte pen, mi kisiamtan nuam diakte ahi uh hi!

Ginna ka nei chi a, Theihna neiloute’n Laisiangthou pen a diklou a suaksak zeel uh hi! Aziak pen Laisiangthou in Ginna pen Theihna ahi, a chi hi. Hih theihna pen Pasian theihna ahi a, mi’n Pasian a theih leh a maw/hai kichi theilou hi!

Ginna nei a Pasian theihna neiloute a diing a pasal khat thugen ahihleh hih ahi, “Ginna ahihleh lungsung gammaang, ngaihsutna a khualzin mite tunphaak louhna gamdaai gamkeu mun ahi” __ Khalil Gibran.