TONGKUP-ZAITHA

  TONGKUP-ZAITHA Dr. George W. Truett in, First Baptist Church of Dallas kichi saptuam a Pastor nna a seplai in, Fort Worth ah evangelistic crusade program a nei a, huasung ah aman hibang in a gen hi: “Anu-apa a Pasian biak-inn zotna leh biak-inn sung a valutna leh, hichibang mipi kikhopna thupite a va pannate pen, Satan in khoksakna a neikei hi; aziak pen ama’un a phattuampih kei ua, a kikhopna un gah a suankei nak leh bangmah a khokkei chi in, a limsakkei hi,” a chihbang in, biak-inn sung chiangtan vatunzohna baanlam ah a poimawh khat a omlai a, kikhopnate a vakikhopna baanlam ah a poimawh khat a omlai a, hua pen theilou ahihkeileh mulou a omna pen a dahhuaipi ahi.

  “Ginna chih kammal in a gen nop diktak pen ahihleh ‘tawpsanna, kipiakna ahihkeileh ki-aapna’ ahi. Ginna pen bukimtak a kimuanna zong ahi. Lungkiatna pen Ginna gaalkhat a om mizia khat ahi a, hih pen na hinkhua a Pasian nna septe doudaalna diing a Satan thumopna leh vanhzak ahi” – Billy Graham Ginna i chih chiang in, banghiam sil-khat a kinepna i neihte uh ataktak ahihdan theihchetna leh, a tak a i leitung mit tawh i muhlouh uh nna leh sil, kinepna i ngakna pen uh i theihchianna uh ahi, chi in Heb.11:1 na in a hung hilh hi. Tualeh theihna i chih chiang un, mite zaleenna petu khat ahihziak in mikaangte’n, “Knowledge liberate people” chi in a na gen uh hi. Na ginna in na Pasian a hung theichiansak taktak hiam?  na Pasian, i Pasian theihna kichian nei taktak lechin tu bang lawmlawm lou maithei diing na hi, chih ngai na hihkhaak leh pen a “Ki-chai” na hita, chihna ahi a, theilou a na kitheihsak Pasian kiang na zot thak ngai chihna ahi. Pasian lam ah hung pai in! Na ginna...