Toupa ah na om na hiam?
Bible taangteel: Isai 50:10.
“Noute lak ah kua e Toupa giing a a
silapa thugente zui? Vaakna neiloupi a mial nuai a lampai, hitalezong Toupa min
taksang a a Pasian a ki-nga kua e?” (Is. 50:10).
Khristian kha-mi mahmah i chihte’n zong, haksatna na thuak veve sam uh ahihman in, bangchidan a Pasian in hizah a ka thuak diing hung phalsak adeh-aw! Chi in lungkham chihtak in na lungkham veve uh hi.
Ni danglai, Boxer Rebellion, the China Inland Mission a kichih hunlai in, a mission leh a phutkhiapa J. Hudson Taylor pen, genthei in a na chimoh mahmah a, tuachiang in Hudson in a lawmpa khat kiang ah, “A sim diingdan ka theikei; ngaih zong ka ngaihtuah theikei hi; thuumna na-ngawn zong, ka neithei kei hi; hilezong ka gingta a, ka muangthei hi,” a chi hi. Hih hun pen ama’uh a diing in hun haksatak ahi a, tuachiin Pasian in, a tawp ah vaak a pia hi.
Abraham in zong hichibang in a na thuakkha a, gim kisakna leh genthei kisakna a nei a, a ngaihtuahna in a mabaan diing a vamupha nawnkei hi; hichibang guallelhna hinkhua deih huailoutak pen Abraham a diing in Pasian aw (voice) a zaak kiikna diing a, a lampi khat in a hung pang hi; hichibang beidonna leh lungkham haksatnate, poimawh loutak bang in kilang lezong a poimawh na chiangtan zong a na omkha thei zeel hi.
Hichibang haksat hun chiang in na hinkhua bang ah a ki-nga a? Toupa nasemte thugen gingta in, Toupa ah na om na hiam? Vaakna neiloupi a mial nuai a lampai hihkhak diing a deihhuai kei hi. Toupa ah gin-omtak in om chiat ni..!
Toupa Thupha
Comments
Post a Comment