Ginna pen Pasian Thu Silbawltheihna tung a gamtatna ahi.

 

TONGKUP-ZAITHA

Bible taangteel: Rome 15:13.

“Kha Siangthou silbawltheihna ziak a kinepna na hauhtheih na diing un, kinepna Pasian in ginna a kipaakna leh khamuanna bukim in hung dimsakta hen.” 

Ginna pen Pasian Thu silbawltheihna tung a gamtatna ahi. 

Aziak pen, Laisiangthou in, “Ginna pen zaakna tungtawn in a hung om a, hua zaakna pen Pasian Thu tungtawn in a hung om hi” (Rom. 10:17), a chi hi. 

Pasian Thu in a gente na zuihna tungtawn in, ginna in na gamta theita chih a kichian diing a, Pasian in zong thupha a hung petheita diing hi. Hebrew laibu in, mi vantaangte ginna a, a na gamtatnate uh hoihtak in a na chiamteh hi.

Pasian Thu a om Ginna neitak a na hinkhua na zakh a ahihleh, Pasian in hinnopna leh lungnopna a hung pia diing hi. “Kha Siangthou silbawltheihna ziak a kinepna na hauhtheih na diing un, kinepna Pasian in ginna a kipaakna leh khamuanna bukim in hung dimsakta hen” (Rom. 15:13). 

Buaina leh haksatna in a hung tuamkha mohkei diing a, hilezong Pasian khamuanna leh kipahna na nei diing hi. 

Tualeh Laisiangthou a kigen Ginna namdetnate hihte ahi: 

(1) Ngaak utna neihna; Pasian thupina bek ngaihsut a neihna; 

(2) Pasian Thu zuihna; leh 

(3) Pasian a kipahna leh lungnopna  neihna ahi. 

Abraham leh Sarah in, ama'uh hunlai in Pasian hunsehte a na ngaaklai un, Pasian in a ginna uh leh a thuakzohna uh khangsak in, a miziate uh a bawlhoihsak touhzeel hi (Jakob 1:1-4). 

Hichih hunlaitak in ngaklahna kha in Sarah a nawk a, hua tungtawn in Ismael a hung piang a, hua pen in, a innkuan sung uh leh a nupa uh tung ah natna a tungsak hi.