Khrist Gimnamtui Hih Diing ahi..!

TONGKUP-ZAITHA

 Kituahna in gimnam a nei a, hu pen a Namtu hi; Kituahlouhna in zong gimnam a nei a, hua pen a Uih in a Namsia hi. 

“Lemna bawlte, Pasian tate a kichih diing ziak in, a hampha uh hi” (Mat. 5:9). 

Lemna bawl kichi pen lemna deihthoh chiangtan bek ahikei a, lemna a omna diing a bang hiam semkhia leh hoihna tawh siatnate zohna ahi.

“Gilou kihepsan inla, sil hoih bawl in; kilemna zong inla, hah-delh in delh in” (Laate 34:14). 

kituahlouhna pen unau kaal ahi a, hilezong unau kituahlouhna saang a khawkzaw in, i teenna kiim leh kiang a om mite’n ei unau kituahlouhna pen a na en ua, i kinialnate uh a na ngaikhia uh hi. 

Ei innsung kituahlouh zualna pen, ei muhna ah kammal khat ahikha diing a, hilezong mi dangte muhna ah kam 10 kam 100 zong a hithei hi.

Khristiante’n kilemlouhna i neih chiang un, Jesu Khrist tanchin, natak in a sukha hi. 

Warren in a laigelhna ah, “Ka ministry na ah, kha-lam sil a, a lunglut theih khaak uhleh chi in, ginglou tanau naite leh saptuam mite, piangthak chetlou a ka theih khenkhatte ka veh zeel hi; hilezong ama’un saptuamte kinialna leh kituahlouhna zousiah a na thei ua, tuachiin Toupa Jesu in, A mite khat a suahna diing ua Pa kiang a, a nget pen, a lamdang ahikei chih ka mukhia hi, (Jn. 17:20-23)” achihbang in, Khristian sung a kituahna pen gimnamtui ahi (Laate 133), hilezong kituah louhna in hua gimnamtui pen a uihsak thei hi.

 Kituahna in gimnam a nei a, hu pen a Namtu hi; Kituahlouhna in zong gimnam a nei a, hua pen a Uih in a Namsia hi.  Nang bang gin na nam a? Na gimnam a namtui kei leh a namsiat teitei a ngai hi.

2Korinth 2:15, "Aziak hundam a omte leh mang thangte lak ah Pasian a diing in Khrist gimnamtui ka hi uh hi."