NA MANGBATNA A THEI
Simlei nunna tomkaal guabang hinsung in, simlei nunna a hung lut mi kineihkheemte i na gintaakna ziak un, ei a diing in tung sunni in kahna, thangpaihna, lungkhamna leh lunglelna tawh lenmual a hung khuupsan thei zeel a, suun leh zaan in omzia a neilam zong theipha lou in ki-omkha thei zeel mawk hi.
Mit tui tamveipi na luangsaktu lungsim leh miziate ziak in, lunggiltak ah, nguuitak in i mangbang kha-thei zeel uh hi; hichibang innpi sung kotkhak paw-lam a pawtkhiat sawm a, a kot i vahontei sam hang in, i sii leh saa a hih lungtang a mangbatnate a na omtaak ziak in, lungdam a pawtkhiat theih taktak louh in a om thei zeel a, kheemna thaang a awk zaw a kihita mai ve!
Khuaizu bang a khum thu-hoih leh manophate tawh, tongdam neemtakte hung kiluankhum lezong, meima neisa nana pen, liam mah in a ki-om thei mawk hi.
Mihing lam ah, tomkaal sung in natna i kipia ua, lungsim leh taksa ah i kisuliam ua, tuachiin huate pen khitui tawh i zaanhahpih ua, mi tui tawh tung sunni in mual a hung liamsan thei zeel hi.
Hitalezong, hih thu thei in, na natnate in Pasian kiang a hung tut zeel zaw hi. Damloute’n Doctor a poimawh bang un lungkham mangbangte’n zong a beidonna uh ngakna diing a poimawh ua, hua pen Pasian ahi hi. Mihingte pen i haksatnate’n Pasian kiang ah a hung zawhpih zeel ziak in, haksatna i thuak diing uh Pasian a diing a ahoih hun zong om hi.
Lungsim a nat taktak chiang in, sil zousiah a naa ahi mai hi. Hichibang ahihziak in mi dangte natna hilou diing in bang leh nang kikem hoih in.
Na mangbatna leh haksate a theitu Toupa’n a mai a na kuun diing a deihlam a hi, chih mangngilh kenla, a kiang ah thuum gige in, sual zawh awlsam pen ahihleh Toupa Singlamteh khahsuahlouhna ahi hi.
Comments
Post a Comment