MINPHA - MIN-NGAIH MAH KIDEIH..!

TONGKUP-ZAITHA

Mipilte leh mi pilloute'n zong a deih uh MINPHA ahi a, mite'n a hoihlam vive ah hung gen le'uh chih pen mi zousiah deihdan ahi masa phot-phot hi.

Bible: "Hauhsakna thupitak saang in MINPHA (MINHOIH) a teel-huaizaw a, khamh leh nguun saang in deihsakna a deihhuaizaw hi" - (Thu. 22:1). Tulaitak in hih Bible ei tawh kituak a gelh diing hileh, "MINPHA (MINHOIH) saang in Hauhsakna thupitak a teel-huaizaw a, deihsaknate saang in zong khamh leh nguun mah a deuh-huaizaw hi," chih diing bang in a om a, i omdante uh leh i gam dinmun uh et in a lungkham huai mahmah hi.

Ataktak a gen in, hih MINPHA pen a na mantam mahmah a, tuachiin leitung ah mihing tamzawte in a neitheikei ua, zong a nei zoukei uh hi. Seppih Pastor khat in, "Ei pawl pen, hauhna thuaklah i hihziak ua zawng i hi, zawnna pen eite mizia tawh kituak hi," a chihbang sim in, MINPHA pen kideih chiat napi in, kinei chiatlou hi. 

Hitalezong, minsiat chih leh minsiatna kichite ahihleh sil zumhuai leh mualphou-huaitak ahihziak in, leitung a mi zousiah in MINPHA - MIN-NGAIH mah kideih chiat hi.

Kumpi Solomon in, “Kizuutna sathau mantam saang in minpha a hoihzaw a, pianni saang in sihni a hoihzaw hi’’ (Eccl. 7:1) a chi hi. Hisung a Solomon thugen ahihleh, neulai a i nu leh pate’n a hung na phuahsak uh min pen kizuutna sathau namtui mantamtak bang ahi a, hih pen sih dong a kepbit diing ahi a, i kepbit zoh leh zohlouh uh pen sihna in a phuangkhia diing a, tuachiang in i min uh pen sathau namtui ahihkeileh gimnamsia (uihna- putrid) khat penpen ahi diing hi, chihna ahi.

Abraham leh Sarah min pen hinkhua gimnamtui ahi a, a sih un zong ahi a, tuni dong in amin uh gimnamtui ahi lailai hi.

"Mi daktatte theihzingna pen THUPHA ahi a, hilezong mi giloute MIN A MUATMANG diing hi," Thu. 10:7.

(Pasian Thu kitheisak vive i hihziak in, na min na kep diingdante nang khut ah kung nusiat diing hi; om-nuam. Toupa Thupha)

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more