Haatmohna Gualzohpih Gingtu

 

TONGKUP-ZAITHA

“Tuachiin ama'un a tung ah khut akha ua, amanta uh hi” – Mk. 14:46

Jesu, damloute damsakpa, mittaw-khelbaite khotuahpa leh damsakpa, tanghou phel-5 leh ngasa 2 bekh-bekh tawh zong mi tuulnga (5000) vaak theipa, sil bawltheihna thupitak nei a minthang, misi na-ngawn zong hinna a kaithoupa, Rome gaalkaapte’ GETHSEMANI HUAN sung ah, a hingmatta “NGAW-NGAW” “Peet-peet” uh hi.

Atakh-takh a gen in:

  1. Gethsemani huan a, a omlai in, ni danglai a na kigukmang bang in Jesu a kihemmang thei tham hi.
  2. Zealotte bang in Rome gaalkaapte a sual thei tham hi; a tha a haatlaitak ahi a, a khanhoihlaitak zong ahi hi. 
  3. Essense pawlte bang a ki-withdraw in, gamsimtham ah nam (Community) khat a panthei tham hi.
  4. Siampite tawh kihou lem in a pangkhawm thei tham hi; hichibang in bawl henla hileh, reformation (simhoihna) thupitak a tunthei diing hi.
  5. Pilate tawh zong a kilemthei tham hi; hichibang hita henla hileh, Rome kumpi gam a thununzou diing a, hih Rome kumpi tungtawn in nna thupitak a semthei diing hi.
  6. Amah tankhia diing in Pa kiang ah zong a ngen thei tham hi; a sihlouhna diing in zong a ngenthei tham a, vaantungmite zong a samthei hi; hilezong huabangte in bangmah a bawlkei a, a dai didezaw hi.

Leitung mit a et in, daih dide hun hikei lezong, i Toupa in bangmah genlou hi.

Aziak maw; Jesu in amah zui mi honpite kiang ah gen khat nei poumah henla hileh, Rome kumpi a hung kuansuk diing a Jerusalem khopi a susia diing hi. Hichibang ahihziak in, bangmah genlou a thuak in Jerusalem khopi a hundamzaw hi.

Amah tawh kisai a theihsiamna neilou, Amah ziak a lungneu leh thangpaih thuah, kilhlum in chi a hehsuak zualna ziak a kikou Jerusalem khopi mite, tatna diing in a hinna a na pia hi.

Hibangteng hitalezong, Jesu thuakna ka ngaihtuah chiang in, “NGAW-NGAW TAZEN AW!” chih kammal ka lungsim ah a hung kilang mun pen hi. Aziak pen hih kammal ahihleh, mi guallelte kammal ahi a, a mualphou huai mahmah hi.

Hichibang mualphounate leh simmoh el-houna chinteng zong, thuak diing a kihuamzou i Toupa Jesu in, eite hung it hi na lawmlawm e maw! A “ngaw-ngaw” na laitak ah eite hutdam in i om uh hi. Mualphou bang a akilatna ah eite i hampha uh hi. Guallel bang a akilatna ah eite’n gualzohna hinkhua i zangh theizaw uh hi. Haatmohna tawpkhawk sil bawltheihna thupitak ahi. 

Toupa Jesu batna nei a khang a, haatmohna tawpkhawk sil bawltheihna thupitak tawh gualzou diing a, Khrist sisan manpha a tatsate i hihna uh mangngilh lou a, “Haatmohna Gualzohpih Gingtu” hi diing in Toupa in thupha hung pia hen!

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more