Abraham Mitkhitui: Siamc. 23:1-2. (Bible study)

 

TONGKUP-ZAITHA

Pasian in mihingte kapthei diing a, a hung siam ahihziak in, it leh nghaihte suun a kahna pen a tam mahmah hi. Jesu zong a kap hi (John 11:35). Dahna leh suunna ahihleh Pasian hung piak miziate lak a khat ahi a, hih pen sihna ziak a lusuunte hehnep a, a natnate uh tuamdamtu hihna diing a sinlai poimawh leh haksa ahi. 

Paul in zong Thesalonika saptuamte kiang ah kapkei un, a chikei a, lungkham leh mangbang in omkei un a chizaw hi (1Thess. 4:13–18). Tualeh gingtute lungkhamna pen gingloute a tawh a kibaklouh diing ahi.

Abraham in a zi a it mahmah a, tualeh a sihna zong amah a diing in a naa mahmah hi. Tuachiin kahna tungtawn in a itna leh a suunna a lah hi. Hih pen Laisiangthou a diing a mitkhitui kigelhna masa pen zong ahi a, tualeh Pasian in khitui zousiah a siaksiang masangsiah kahna a bei ngaikei diing hi (Kil. 21:4). Ginna a mi hangsanpa hilezong Abraham in a khituite Pasian a muanlahna in a ngaihtuah kei hi.

Ginna dettak neikawm in Sarah a sita a (Heb. 11:11, 13), hua pen Abraham in Toupa kepna ah a omta chih a thei hi. Thukhun Lui ah, hin nihna tamlou bek gen in a om a, hilezong Pasian mite’n a sih chiang ua Pasian in ama’uhte a na pom diing ahihlam a thei uh hi (Laate. 73:24).

Tualeh gingtute a diing in taksa a kikhenna pen Toupa tawh omkhawmna (Phil. 1:21–23; 2 Cor. 5:1–8) ahihziak in, Khristiante’n sihna pen laauna tawh a maituah kei uh hi. “Toupa a site a hampha uh hi… A sepgimnate uh khawlsan a, a silbawlte un hung zui diing ahihziak in,” (Kil. 14:13).

Mi giiloute sihna mulkinhuaitak Job 18-na ah kichiantak a gen in a om a, a deihhuai kei hi! Mi gilou a site pen, meivaak mihna tawh kibang (t. 5-6), va-thaang awk, a akkhetul a awk (t. 7-10) mulkinna in amat (t. 11-14) leh singphung kalhkhiat (t. 15-21) bang hi diing in a gen hi. Khrist a hutdamna ngahte sihna tawh a kikhia mahmah hi (John 11:25–26; 2 Tim. 1:10).

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more