Na Khelhna in Hung Zonkhia in a Hung Man Diing Hi
Dr. Richard M. Weaver in US gam, Chicago University a Professor nna
a seplai a, a laibu gelh “Ideas Have Consequences” chih 1948 kum a published,
pek khatna ah, “Thudik tawk kituak a na hinkhua na zakkei a ahihleh, a gah ne a
na thuakgim diing ahi,”
Dr. Weaver in tu hun a i Khristian hinkhua uh hung mu henla, a hing
a vankah diing khop a ginna nei kawmkawm a innvengte thuaklah i hihdante uh, i
hinna ua Khrist itna a omlouhdante hung mu henla, laibu khat hung gelhthak mail
eh a chih huai phialphial hi.
Khotaang leh pawlpi in thudik hoih asak chiang bek uh ahihdan leh
thudik gum a kuamah dingtang ngamlou bang a i yuni hinkhua uh i zak ban uah,
thudik leh diklou in gah a suang tuaktuak uh, chih ginna zong a neiloute hita
lehang, i kilawm uh hi.
Eite tu ni khovel ah, i Khristian omdante uh ka et-et a ahihleh,
thudik ahihleh na gintat utte leh na taksan utte bek hita hileh a kilawm mahmah
bang in a kilangta a, sil diklou khat na na gintaat khaak a ahihleh zong, na
ginna diklou in gah a suan diing, ahihlam lung-hihmoh ngailou, chih tawh kibang
a muhtheih diing phial in, i hinkhua uh zangta hilehang a kilawm mawk hi.
Ngaihsun thak in, “Na khelhna un, noute hung zongkhia in, a hung
man diing hi chih kichian un - Be sure your sin will find you out” (Kis. 32:23).
Comments
Post a Comment