SIAMCHIILNA 12:1 (a-3): TONGKUP-ZAITHA BIBLE STUDY

 


TONGKUP-ZAITHA

Pasian mi sapna ziak: Pasian in Abraham leh Sarah a sapna ziak pen sehthum in a gentheih diing hi.

Sehkhatna: Ama’uhte a itna ziak in, Pasian in hutdam ahih diing uh a poimawh ngaih mahmah hi; tuachiin Ama’n (Pasian in) a thupina a lah a, tuachiang in a hehpihna ziak in thukhun a bawlpih hi. 

Sehnihna: Hichiangtan bek ahikei a, Pasian in leitung pumpi zong thupha a piak theih na diing tupna thupitak a neilai hi. Himi taangtunna ahihleh Pasian in a tapa Judah nam tungtawn a leitung a, a hung sawl a, tualeh leitung khelhna ziak a Jesu Khrist a hung sihna ah a bukimta a (1 John 2:2; 4:14), hih Pasian thupha bukimtak (Jesu Khrist), leitung a Saptuamte’n leitung pumpi a, a gensuak diing uh deihna thupitak tupna leh sawmna zong, Pasian in a nei hi (Mark 16:15).

Sehthumna: Abraham hinkhua ahihleh Khristian, ginna a kalsuan zousiah a diing a etton leh etteh ahi hi. Abraham ahihleh ginna tungtawn a hutdam ahi (Gen. 15:6; Rom. 4:1–5; Gal. 3:6–14) a, ginna a hing (Heb. 11:8–19) leh a ginna muhtheih ahihna pen ahihleh a thumanna (James 2:14–26) ah muhtheih in a om hi. Abraham in khoilam nawh diing (Heb. 11:8–10), bangchi pai diing (tt. 13-16), bangziak (tt. 17-19) ahia, chih a theihlouhlai in zong thumang hi; huachibang in eite’n zong suanlam leh ginmohna omlou in Pasian i muang ua, Amah a ki-nga in a nung i zui uh hi.

Abraham leh Sarahte nupa pen mi bukim leh dikna bukim nei ahikei ua, hilezong ginna a, a lampainate uh sim ahizaw hi. A khelh chiang un, a khelhman uh a thuak uh hi; hichibang ahihlai in mikhial kissik ngaidam diing Toupa mansa in a om tawntung hi. “The victorious Christian life,’’ kichi laibu ah, George Morrison in, “Abraham leh Sarah hinkhua pen kithakpatna vive a dim ahi,” a chihbang in Abraham leh Sarah hinkhua hoihtak a i et leh, ginna bang ahia chih leh ginna a lampaidan muhtheih in a om hi. Ginna neite a diing in etchetnate bangmahlou ahi a, lohsapna zong a omden diing ahikei chih a kichian hi.


~ Pastor Thangdoulal Suantak

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more