SIAMCHIILNA 12:1 (a-2): TONGKUP-ZAITHA BIBLE STUDY

 


TONGKUP-ZAITHA


Pasian Mi Sapdan: Pasian in Abraham a saplai a bang a chisap e, chih pen kichiantak in a omkei a, Nasepte 7:2na in hibang in a na gen hi: “…thupina Pasian a kiang ah a kilaak a,” a chi hi. Abraham kiang a Pasian kilakdan zong i kiang uah, a hung kihilh chiankei a, hilezong Pasian in Abraham a houpihna thu i muhna ua pan in, Abraham kiang ah Pasian a kilak hi, chih a kichian hi.

Hichibang a Pasian thupina in Abraham a kituahpihna pen Abraham a diing in sil lamdang leh thupitak ahih ziak in, Ur khopi a milim pasiante bangmahou ahihdan a kichiansak ngei diing in zong a gintaat huai hi. Pasian hing tawh kituah nung a milimte bia diing kua e! Hichibang kikheelna pen 1Thess 1:9-10; 2Kor. 4:6 ah zong muhtheih in a om hi. Tuachiang in Pasian in Abraham a houpih a (Siamc. 12:1-3), hua Thu tungtawn in ginna a hung kipan hi; “Tuachiin ginna pen zaakna tungtawn in a hung om a, zaakna pen Pasian Thu tungtawn in a hung om hi” (Rom. 10:17).

Hih Pasian sapna pen, kiim-le-paam a om siatnate pan a kihemkhia diing a sapna ahi a, hua pen Abraham in ginna tawh a na dawng hi (Heb. 11:8). Ginna diktak ahihleh Pasian Thu ah namkip in a om a, hua in thumanna (obedience) ah mite a pui zeel hi. Pasian Thu manna leh zuihna panglou ginna pen ginna diklou chihna ahi.

Pasian in Abraham leh Sarah thupha pia a, a zaktheih na diing in, Abraham leh Sarah pen Pasian thuseh bang a, a om uh a na poimawh hi (2Kor. 6:14-7:1). Tulai chiang in mikhialte’n Abraham leh Sarah muhbang Pasian thupina a mu nawnkei ua, hilezong Pasian mite tungtawn in a muzawta ua (Matt. 5:16), tualeh a theihpihna uh a gen chiang un Pasian Aw (voice) a zaa theizaw uh hi. Pasian in Abraham pen tangtak in a houpih a, hilezong tulai chiang in Pasian in mite A mizakte tungtawn in a houpihta hi (Nas 1:8). Hih pen Pasian in eite a hung sapdan ahita hi.

 


~ Pastor Thangdoulal Suantak

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more