SIAMCHIILNA 12:1 (a-2): TONGKUP-ZAITHA BIBLE STUDY
TONGKUP-ZAITHA Pasian Mi Sapdan: Pasian in Abraham a saplai a bang a chisap e, chih pen kichiantak in a omkei a, Nasepte 7:2na in hibang in a na gen hi: “…thupina Pasian a kiang ah a kilaak a,” a chi hi. Abraham kiang a Pasian kilakdan zong i kiang uah, a hung kihilh chiankei a, hilezong Pasian in Abraham a houpihna thu i muhna ua pan in, Abraham kiang ah Pasian a kilak hi, chih a kichian hi. Hichibang a Pasian thupina in Abraham a kituahpihna pen Abraham a diing in sil lamdang leh thupitak ahih ziak in, Ur khopi a milim pasiante bangmahou ahihdan a kichiansak ngei diing in zong a gintaat huai hi. Pasian hing tawh kituah nung a milimte bia diing kua e! Hichibang kikheelna pen 1Thess 1:9-10; 2Kor. 4:6 ah zong muhtheih in a om hi. Tuachiang in Pasian in Abraham a houpih a (Siamc. 12:1-3), hua Thu tungtawn in ginna a hung kipan hi; “Tuachiin ginna pen zaakna tungtawn in a hung om a, zaakna pen Pasian Thu tungtawn in a hung om hi” (Rom. 10:17). Hih Pasian sapna pen, kiim-le-paam a...