“Even if you feel lost come back to Jesus!”

 

TONGKUP-ZAITHA

“Bawltheih neilou a, bah-gawpta na hihleh zong, Jesu kiang vazuan in. Ama’n na puakgik zousiah, ama hakkol zangkhai-tak tawh na puakgik zousiah a hung kheeksak diing hi.” ~ She Rises

Mi kua hiam khat in tapa nih a nei a, a naupangzaw pa'n apa kiang ah, ‘Pa, ka goutan diing teng hung pia in,’ achi hi.

Tuachiin apa'n a tanvou diing uh goutan a hawmsakta hi. Tualeh nisawt lou nung in a tapa nau-zawpa'n a gotan teng a lakhawm a, khual gamlapi ah a zinta hi. A khualzinna gam ah a neih teng paktattak in a vazangbeita hi. Hinanleh a un a a zakh beitak in tua gam ah kial nasatak a hung tungta a, nek diing a hung kisamta hi.

Tuachiin amah apai a, hua gammi khat a vabel a, huapa'n amah vok an pia diing in loulam ah a na sawl hi. Tualeh vok nek behawngte tawh kisukvah diing a lunggulh mahmah hi.

Hichibang dinmun a, a omlai in, a hung ki-ngaihtuah a, “Ka pa’n kilawh silate an diing, nek senglouh in a nei a, kei-lah hisung a gilkial a si diing hitamai ing a maw!

Bangbang hileh, ka thou diing a, ka pa kiang ah ka pai diing a, a kiang ah, ‘Pa, vaan a tung ah leh nangma mitmuh in sil ka bawlkhialta hi. Na tapa chihtak zong ka hi nawn kei, na kiang a kilawh, na silate khat bang in hungbawl in, ka chi diing,’” a chita hi.

Tuachiin a kisa a, a pa kiang ah a hung paita hi. Hilezong gamlapi a a om lai in, apa'n a na mu a, ahehpih mahmah a, atai a, a ngawng kawi a, atawp hi.

“Even if you feel lost come back to Jesus!” Luke 15:11-20.

Lohsam kisa, beidong kisa, chi-moh kisan a hih leh Jesu kiang zuan in!