1SAMUEL 16:23//TONGKUP-ZAITHA DEVOTIONAL

 


1SAMUEL 16:23

TONGKUP-ZAITHA DEVOTIONAL

“Pasian a kipan a kha gilou Saul tung a ahungtun pouhpouh chiang in, David in a kaihging a la a, a tum zel hi. Tuachiang in Saul in noptuam sa in a hoih deuh zel a, kha gilou in amah a nusia zel hi.”

David Kaihging: David tanchin kigenna i zakkhak chiang ua i lungsim ua om masa pen ahihleh belaam ching naupangpa leh Belaampu (Sheepherd boy), Filistiate mi haat tungtuang Goliatha tualtang kidenna a kineisakpa chihte leh Isaelte kumpipa chihte ahi taangpi hi.

Hilezong, gaal-haatpa khat ahih masanglai in David pen Pasian bia tawntungpa ahi. Bethlehem gamdaai lak ah ama’n kaihging tumdante zil in Pasian phatna laate a na sa gige hi.

Hisung a i theih diing ua poimawh khat ahihleh David in mite deihsakna ngahna diing leh mite ngaihnop hi diing in a Kaihging a tumkei a, Pasian biakna leh phatna bek in a tum hi. Tuachiin adakkal-adakkal a sim in a kaihging tum in Pasian bia in phatna laate sa in a hun tamzaw a na zang hi.

Tuachiin a laa sak gige, tamzawte a khonung in Laate bu (the book of Psalms) a hung suakta hi. Estsakna: Phatna luangkhawm laate in i gam uh a luahdim masang kum bangzah hiam liamsa hunlau a na kiphuakkhia ahi a, a laate pen mi khat lungsung a hung kipan phatna leh biakna ahi.

Laate 33:2, ah David in, “Tumging tawh Toupa phat unla; gui sawmnei kaihgingte tawh amah phatna laa sa un.” A chihna tungtawn in David in theihthak khat a nei chih theihtheih in a om a, hua pen ahihleh phatna leh biakna in Pasian a samlut (Worship invites the presence of God) chih ahi.

Kaihging in a hung ngaihtuahsak thu poimawhtak pen ahihleh, i hinkhua un Pasian a diing a tumging (music) ngaihnop huaitak a suahkhiat diing ahi- tumging chi-tuamtuamte tawh a hih sese louh diing in, hilezong lungtang zousiah a phatna leh biakna. Kipumpiakna leh pahtawina Pasian kiang a, i lungsim leh lungtang zousiah ua i piak diing uh, chihna ahi.

Ni sim i nuntakna uah, i sepna munte uah, i hinkhua uh Pasian phatna leh biakna hihsak diing, Pasian a diing a hinkhua zak diing ahi hi.

Kha gilou in Kumpi Saul a mat hun chiang in, David in a Kaihging a la a, a tum zeel hi; tuachiin tua kha gilou in Kumpi Saul a nusia hi, chi in Laisiangthou in a hung hilh hi. Hih pen Pasian mi hihna tawh Pasian biakna silbawltheihna kilatna zong ahi hi.

David in hiam-le-teite zang in kha gilou a kisualpih kei a, Pasian phatna leh biakna tawh a kisualpihzaw a, tuachiin a gualzou hi.

Tu’n nang leh ken bangchibang in kha gilou i dou un, i sual ua, zu duhna kha, zateep utna kha or teep leh muam zongsatna kha, mi dangte demsiat utna kha, mahni kihoihsakna kha chihte bangchibang in i dou ua?  

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more