TONGKUP-ZAITHA

        TONGKUP-ZAITHA MAHNI KI-UKZOHNA Israelte kumpi minthang Solomon bang in na pil maithei diing a,  ahihkeileh  Kumpi David bang in Pasian phatna leh  biakpiakna ah na kipia zou mahmah kha-diing hi;  ahihkeileh  Abraham bang in ginna na neikha mohkei diing hi;  ahihkeileh  Joshua bang in kidouna lam ah mi hangsan leh  gaalte doudan siam zong na hi mohkei kha-diing hi.  Hilezong Joseph bang a, nang leh nang na ki-ukzohkei a  Ahihleh, Samson bang in na puuksia kha-diing hi. Mahni Ki-ukzohna a omkei leh na zousiah a lamzang thei taktak kei hi. Pasian Laisiangthou in, “Tuachiin aman ama'uhte tengteng kiang ah, “Mi khatpeuh in ka nung a zuih nuam leh amah kimangngilh in nisial a akross pua in hung zui hen.” Luke 9:23 “Tuachiin Jesu'n amah gingta Judate kiang ah, Ka thu a na omzing uh leh ka nungzuite na hi taktak diing uh hi” John 8:31.

  1SAMUEL 16:23 TONGKUP-ZAITHA DEVOTIONAL “Pasian a kipan a kha gilou Saul tung a ahungtun pouhpouh chiang in, David in a kaihging a la a, a tum zel hi. Tuachiang in Saul in noptuam sa in a hoih deuh zel a, kha gilou in amah a nusia zel hi.” David Kaihging: David tanchin kigenna i zakkhak chiang ua i lungsim ua om masa pen ahihleh belaam ching naupangpa leh Belaampu (Sheepherd boy), Filistiate mi haat tungtuang Goliatha tualtang kidenna a kineisakpa chihte leh Isaelte kumpipa chihte ahi taangpi hi. Hilezong, gaal-haatpa khat ahih masanglai in David pen Pasian bia tawntungpa ahi. Bethlehem gamdaai lak ah ama’n kaihging tumdante zil in Pasian phatna laate a na sa gige hi. Hisung a i theih diing ua poimawh khat ahihleh David in mite deihsakna ngahna diing leh mite ngaihnop hi diing in a Kaihging a tumkei a, Pasian biakna leh phatna bek in a tum hi. Tuachiin adakkal-adakkal a sim in a kaihging tum in Pasian bia in phatna laate sa in a hun tamzaw a na zang hi. Tuachiin a laa...

  Joshua laibu a i khualzinna uah, thupi tuamtuamte i na kikupna zong i neita ua, “Gaaldounate, Thahat leh Haansansuah a ngaihnate, Gam hawmna” chihte baan ah, Bitna Khopite, chih thupi a nei in, a hun masa uah zong i na kikumkhinta uh hi. Tuni in, hih Bitna Khopi chih thupi a nihveina gen diing, lungtakpi tawh, Pasian hung houpihna AW zaa diing in, GINNA leh lungtang a lunggulhna tawh, thanuamtak in i na ngai diing uh hi. Bangteng hileh, Delhi a diing in, tu hun a kikhopna neih pen challenging mahmah ahihna ah, tuni a, i Toupa Pasian leh Saptuam vei na liantak neikawm a, hung kikhawmte, na unpi un, i Toupa Jesu min in chibai k’ung hi.   Bible Simna Joshua 20:7, “Tuachiin ama'un Naftali singtaang gamsung, Galili gam a om Kadesh, leh Efraim singtaang gam a om Sekem, leh Judah singtaang gam a om Kiriath-arba (tua pen Hebron ahi) a septuam uh hi.” Thupatna Hebron ahihleh Bitna Khopite lak a khat ahi a, Levite Khopi, Aaron suante kiang a piak ahi. Hisung ah Kumpi Dav...