JESU PHONG IN!

 


TONGKUP-ZAITHA

BIBLE

Tuani mah in, nitaklam a hung hih in, aman a kiang uah, “Galkhat lam ah i gaalkah diing uh,” achi a, Ama'un mipite a paisan zoh un, guunkuang a a om bangbang in amah a paipihta uh hi. Tualeh a kiang uah guunkuang neu dang zong a om hi. Tualeh huihpi hattak a hung laang a, tui kihotte, guun kuang sung ah a hung lut zuazua a; tuachiin guunkuang a hung dim phialta hi. Hinanleh amah guunkuang mawng langkhat lam ah tangkham kham in ih mu in a om hi. Tualeh a phong ua, a kiang ah, “Siapa aw, ka manthai diing uh khawk salou maw?” achi uh hi. Mark. 4:35-38

Hih Bible ah, Jesu nungzuite buaina khat a om hi, chih i thei chiat uh hi. Hih nungzuite mahbang in, eite’n zong i simlei hinkhua uah buaina khat chiat pen a kinei gige khat ahihlam mangngilh kei ni aw!

Guunkuang a tuang a, tuipi gaal kah diing a, a pailaitak ua, khopi-huih laang in, nungzuite a patausak mahmah hi. Ahihleh, Jesu’n khopi-huih laanlam a theihlouh in, tuachi a, a thal-ngadek a ihmu mawleh? Hilou hi!

A nungzuite laau lam zong thei, khopi-huih laan zong thei, hilezong Amah kiphonglou ahihman in bangmah bawllou hi.

Na haksatna Toupa’n thei hi! Na laau lam zong Ama’n thei hi! Na lunggulh na-ngawn zong a thei i Toupa hi. Hilezong nungzuite bang a na photkei a ahihleh na zingvai diing hung hawmsak khollou kha-diing hi.

Guunkuang sung ah Jesu om vev napi’n khopi-huih laang in, tuipi zong huaisetak in kinawng veve hi. Eite zong i simlei hinkhua uah Jesu om veve napi’n leitung buaina tui-hualte leh huihpite in hung nawk veve a, Jesu i phawn ua, i hinkhua ua Amah i thohsak diing uh ahi.

Pawlpi sungte uah Jesu omlou maw? Om mahveh e! I simlei nunna uah Jesu omlou maw? Om mah ei! I innkuan sungte uah Jesu omlou maw? Om! Pasian in ei hung theipha lou maw? Thei tham hi! Haksatnate i maituah ziak un, Jesu Immanuel ahipa in, eite hung nusiata chih hi mawklou hi.

Jesu om napi’n kuamah in Amah phonglou, kuamah in Amah houpih lou, kuamah in Amah thumoptu lian pen a zanglou, leitung vaai teng mah kibuaipih chiat ahih chiang a, a ningkhat a ihmut niithiat hizaw kha-diing a, huihpi lah khawllou, tuihualte lah tawlngalou hi.

Hilezong, leitung buaina huihpi leh tuihualte tung a gualzohna hung pia-thei pen i Toupa ahi a, nungzuite’n zong hua pen a taktak in a mu uh hi.

Jesu tawh kalsuan khawm diing in, thu-ngetna tawh Amah phong ni! Simlei buaina huihpi leh tuihual kinawngte tung ah gualzoupa Amah eite Toupa hi.

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more