BIBLE NA SIM CHIANG IN

 


NA BIBLE NA SIM CHIANG IN, BANG NA CHI SIM A?

Bible na sim chiang in, awl-awl in sim inla, kintak in simken. Sim zawk theih ahi a, sim zual theih zong ahi; hitalezong theih ngei-ngei diing a hoih pen ahihleh na sim Bible in nang a hung sim a, hua Bible in hinna a hung piakna diing a, na sim Bible in nang a hung sim a ngai hi. Kinawhtak in sim sawm ngai kenla, awl-awl in sim in.

Bible hihzah-vei simta, chih leh Bible ka simsuakta chihlam a lunglut kenla, Bible in nang a hung simna lam ah lunglutzaw in!

Bible na simsuakna leh tamveipi na khuhlehna pen THEIHNA ahi a, Bible in nang a simna pen HINNA ahi!

Eden huan a SIA-LE-PHA THEIHNA singkung leh HINNA singkung a omkhawm bang in, Bible simna ah THEIHNA leh HINNA a omkhawm hi!

Bible hahsim in sim inla 40, 50vei zong busuah in, hua in SIA-LE-PHA THEIHNA a hung guan diing a, hua in sihna ah a hun tunpih diing hi; aziak pen nang Bible na sim ahi a, Bible in nang a hung louh ahi.

Hilezong Bible in nang a hung simsuak a, a hung busuah a ahihleh, ama’n hinna a hung pia diing hi.

Nang a diing in Bible pen Sia-le-Pha Theihna singkung ahithei a, HINNA singkung zong a hithei hi; hih pen na Bible simdan ah a ki-nga lian mahmah hi!

Bible na sim chiang a, na sim Bible in nang a hung simkei a ahihleh Bible pen nang a diing in HINNA hilou in Sia-le-Pha Theihna chiang bek ah a om diing hi.

Hichibang ahihziak in, Bible pen Sia-le-Pha theihna diing in a simtheih a, sermon hoihtak neihna diing in zong a simtheih tham hi; mi dangte thuhilhna diing in zong a simtheih hi; tualeh hinna diing in zong a simtheih hi! Nang a simtu ah a ki-nga lian mahmah hi!

Hibang ahihziak in kinawh lou in na Bible sim in! busuahna diing in kum 50 sung sung lutta lezong a khawk kei hi! Awl-awl in simla, tuachiin na sim Bible kisimsak in!

 

 

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more