TONGKUP-ZAITHA

  TONGKUP-ZAITHA: BIBLE STUDY Siamc 2:16-17. Sia leh Pha theihna Singkung Neklouh Diing Ahi: Pasian in Eden huan siangthou a, Adam a koihlai a, Adam sep diing a piakna kichiantak a gelh in omkei lezong, Pasian Laisiangthou a i muhbang un, “Khou leh Kem” diing ahi masa a, tuachiang in tua Huan Siangthou sung, laizangtak a om “Sia leh Pha theihna singkung a kipan a, a gahte a neklouh diing,” chih ahi. Adam mohpuakna masa pen, lungsim leh tha-le-zung zang a Eden huan hoihtak a etkol diing ahi a, tu’n a nihna ah, nekna a kideek-theihna mohpuakna piak in a om hi. Hih pen mihing in ama utna zang a, Pasian thu a muanhuaitak a, a om diing leh a Pasian a it tawntung diing tupna ahi a, hih pen Pasian in mihingte a etkhiatna (test) zong ahi hi. Tualeh Pasian in Adam kiang ah, “Sia leh pha theihna singkung gah na neklouh diing ahi, aziak pen, na nek leh, na nek ni mah in na si diing hi,” a chi hi. Hichibang ahihlai in Satan in Siamc 3:4 ah, “Na sikei diing uh” a chi hi. Hilaitak a sih ...

  NA BIBLE NA SIM CHIANG IN, BANG NA CHI SIM A? Bible na sim chiang in, awl-awl in sim inla, kintak in simken. Sim zawk theih ahi a, sim zual theih zong ahi; hitalezong theih ngei-ngei diing a hoih pen ahihleh na sim Bible in nang a hung sim a, hua Bible in hinna a hung piakna diing a, na sim Bible in nang a hung sim a ngai hi. Kinawhtak in sim sawm ngai kenla, awl-awl in sim in. Bible hihzah-vei simta, chih leh Bible ka simsuakta chihlam a lunglut kenla, Bible in nang a hung simna lam ah lunglutzaw in! Bible na simsuakna leh tamveipi na khuhlehna pen THEIHNA ahi a, Bible in nang a simna pen HINNA ahi! Eden huan a SIA-LE-PHA THEIHNA singkung leh HINNA singkung a omkhawm bang in, Bible simna ah THEIHNA leh HINNA a omkhawm hi! Bible hahsim in sim inla 40, 50vei zong busuah in, hua in SIA-LE-PHA THEIHNA a hung guan diing a, hua in sihna ah a hun tunpih diing hi; aziak pen nang Bible na sim ahi a, Bible in nang a hung louh ahi. Hilezong Bible in nang a hung simsuak a, a hun...