Khovel ah Bangmah i Lutpih kei ua Bangmah tawh zong i Pawtkhia Tuamkei diing uh hi!

 


“Leitung ah bangmah i pualut kei a, tualeh bangmah i puakhia kei diing uh hi!” 1Tim. 6:7

Khatvei haanmual khat ah ka vapaikha hi; tuachiin hua haanmual ah mi hausate leh mi zawngte, Pasian nna semtute leh ngolveite (drugs addiction) kigamlalou taktak ah a na kivui ua; unau innsung khat, lupna tuam chiat neite mahbang in a na kisial phei tengtang ua, muat a, zunmang diing chihlouh mabaan lam-et diing beitak in a na om uh hi.

Tuachiin mihingte taksa ahihleh tomkhat sung bek daih diing a siam ahihnate ka ngaihtuah khia a, innkuan khat hi le’uh zong, haanmual a lumte a kithei nawnkei ua, nupate zong a ki-ngaihsak thei tuamkei uh hi; nuta leh pate ahite zong, thawmging bangmah neilou in, siptak in a lum chiat uh hi; mihingte lei taksa zaw, maw, tomkhat sung bek daih diing a siam a na hi mawk mah ei!

Innkuan ki-itna leh ki-deihsaknate, taksa silte a i ki-huaituamnate uh, mihingte hinkhua a diing a sil kilawm leh deihhuaitak ana himawk ei! Eima taksa mahmah zong it diing in a hoih mahmah hi; hitalezong, hih si-thei taksa i na it luat ziak a, i kha hinkhua a hamphatna i neihna uh ngaihtuah lou a, taksa bek a i kizakbei ua ahihleh, Pasian thu dungzui a suut in, mi maw penpen i hi diing ua; taangtawn mun ah i goutan diing uh a hoihkei mahmah diing hi.

Setan in, eima hinkhua a gualtungtuanna a ngahkei a ahihleh, i tate leh i it leh ngaihte zang in a hung dou zeel hi. Tate itluat ziak a, a lei taksa uh nopna diing leh khovel silte a, gual enna hinkhua a neihlouh na diing ua theihtawp i suahnate uah, meelmapa a diing in lampi a na kihongkha zeel hi; tuaziak in, eimah leh i tate uh hinkhua ah hitalezong, hih taksa bangmah ahihlouh daan leh tomkhat sung bek daih diing ahihdante baan ah, Vaan khopi a lutpih theih bangmah a omlouh dante, theihsiamsak a, taangtawn hin kiamlou omna, eite a diing a i Toupa inn bawlna munpi a goutan hoihtak ngahte i hihtheih na diing ua, ni teng a Pasian tawh khankhawm a, Bible tawh khankhawm a poimohnate zilsiam a, theihsiamsak a poimawh mahmah a, hih pen eite mahmah in zong i zuih ua, i neih ngeingei diing ua sil poimawhtak ahi hi! Hih pen Pasian ta i hihna uh zong ahi hi🙏🙏🙏.

 

 

 

 

 

 

 

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more