PENCIL LEH RUBBER PAN A ZILLAI POIMAWH

 

PASTOR THANGDOULAL SUANTAK

 

Ni khat, Pencil in Rubber a hopupih a, a kiang ah, “I am Sorry” a chi hi.  Tuachiang in Rubber in, “Bang thu bangla ahia? Bangziak a “Sorry, nung chih e?” Bangmah bawlkhial na neikei hi,” chi in a dawng hi.

Pencil in, “Kei ziak a na thuaknate ziak in hung ngaidam in, sepkhial bawlkhial ka neih chiang in, ka khelhnate nulmang diing in nang na na om gige hi. Tualeh hibang a ka sil bawlkhialte nung nulmangsakna diing in, na taksa bangzah hiam na mansuah gige a ngai zeel hi.” A chi hi.

Tuachiang in Rubber in a dawng a, “Hua pen adik mah ahi. Hilezong ke’n khoksalou ka hi. En in, hih diing mah a siam ka hi. Bawlkhial sepkhial na neih hun chiang a, nang hun panpih diing a siam ka hi. Ni khat ni chiang in ka beimang diing hi, chih thei lengzong, ka nasep ah ka lung a dam mahmah hi. Tuaziak in, lungkham nawnken. Lungkham leh dahmeeltak a na om k’ung muh leh ka lungdam theikei diing hi.” A chi hi.

Eite tanchin ah zong, i leitung nu-le-pate pen Rubber bang ahi ua, ei tate pen pencil bang i hi uh hi. Ama’uhte pen a tate ua diing in a om gige ua, a sil bawlkhialte uh a sukdiksak ua, a khelhna uh a khuhsak zeel uh hi. Hichibang hinkhua a zak kawmkawm un, khatvei-vei tate suknat leh tate ziak a na thuak in a om ua, Rubber bang in a hung neu deuhdeuh ua, a hung teek deuhdeuh ua, a tawpna ah a hung beimang uh hi (Hung mualliamsan uh hi).

Hichibang ahihlai in a tate un koppih thak khat nei in, zi leh pasalte a na neita mah le’uh zong, Nu-le-pate pen, a tate ua diing a, a sil bawlte uah a lungdam mahmah uh hi. Tualeh a tate uh lungkham leh dahtak a om a amuh diing uh a ut ngaikei diing uh hi.

Pom in pomkei lechin zong, hih pen nu leh pate lungtak ahi. Tuaziak in, Na Nu leh na Pa limsak inla, zahtaak in, Limsak theih diing hikei uh, zahtaak theih diing hikei uh, chi in na demna diing zong kei inla, limsak in zahtaak in!

“Na pa leh na nu zahtaak in, tua hileh TOUPA na Pasian in a hung piakna gam ah na nite a sau diing hi” Pawt. 20:12.

“Na nu leh na pa zahtaak in, hih pen thupiak chiamnei masa pen ahi,” Eph. 6:2.

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more