Thu Tuamtuamte Na Zaak Chiang!
Tualai
leitung thuthang zaak diing a tam a, diipkuat-huai leh nuihzaat-huai ngaih
diing leh sim diing intenet tungtawn a i mutheih diing uh zong a tamta hi.
Gamsung buainate leh na innsung thute na kinepna bangloutak a na zaak chiang in
bangchibang in dawng leng na chi a? Hoihtak in ngaihsun thak ni.
1.
Nang hung kidemna thute, na mi neel mahmah khat a kipan a na zaak chiang, na
lungsim ah bang a hung luut masa pen a?
Ngaihsutna:
Ngaihsutna lui (Pianthak masang lungsim) in thuk diing bekbek sawm taangpi hi.
Hilezong ngaihsutna thak (Pianthak khit lungsim) in ama’uhte it a, hehpih a,
ama’uh a diing a thu ngetsak diing in hung haanthawn hi. Nang, ngaihsutna lui a
om maw? Ngaihsutna thak a om? Na omna mun leh Pasian pen kisai mahmah ahi.
2.
Nang hung kigensiatna thute, na mi neel mahmah khat a kipan a na zaak chiang,
na lungsim ah bang a hung luut masa pen a?
3.
Na unau lak ua, nu-le-pa deihsakna ngah zoulou pen a na kimuh chiang, na lungsim
ah bang a hung luut masa pen a?
4.
Kidou thuthangte na zaak chiang, na lungsim ah bang a hung luut masa pen a?
5.
Kithahna thute na zaak chiang, na lungsim ah bang a hung luut masa pen a?
6.
Niinbawm leh mun kawmdeuh a nausen kipaai thute na zaak chiang, na lungsim ah
bang a hung luut masa pen a?
7.
Rape (Buangawpna) thute na zaak chiang, na lungsim ah bang a hung luut masa pen
a?
8.
Bible na sim chiang, na Bible sim nang a diing a na sim maw? Mi dangte a diing
a na sim? Ahihke’h na pongsan sim?
9.
Kouna na thuak chiang, na lungsim ah bang a hung luut masa pen a?
Comments
Post a Comment