SANGGAM MEELMA (E03)

 

By: Pastor Thangdoulal Suantak

 

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante’n lung kituaktak in chibai ka hung buk hi.

 

BIBLE:  Absalom in Amnon kiang ah thu hoih hi-in, thusia hileh bangmah a kum ngaikei a, a sanggamnu a suam ziak in Absalom in Amnon a haw mahmah mai hi (2Sam. 13:22).

 

Sanggam Meelma chih kammal pen, ei mite gendan taangpi a gen diing hilehang, khawmui hun chiang a, mi khat kua hiam hung pai a kimu, hilezong a meel kimulouh hunlaitak pen Sanggam Meelma hun a kichi hi. Hilezong tuni a i gen ut uh hih Sanggam Meelma (Khawmui) hun ahikei a, Uta or Unau or Sanggam kimeelmakna or kituaklouhna or kibaklouhna thu ahizaw hi.

Tutung a i ngaihtuah diing uh ahihleh David Tate Kituaklouhna thu ahi.

 

AMMNON LEH ABSALOM KIMEELMAAKNA

Amnon ahihleh David tapa taakpen ahi a, Absalom ahihleh a thumna ahi a, hilezong ama (Absalom) tung a pen a neulai a si ahihziak in a nihna chih diing ahita hi (David Tapate:  Amnon: A taak pen ahi. Nihna Kileab or (Daniel) ahi a, Karmel a Abigail tawh a (David) tapa ahi. Amah a nihna ahi a, a neulai a si ahi. A thumna Absalom ahi (1Khang 3:1-2)).

Amnon leh Absalom kimuhdahna hung kipatna ahihleh Absalom sanggamnu Tamar ziak ahi. Tamar pen mi meel hoihtak, ngaihbaang, leh duang etlawm, hoih chihtak a hoih a gen in a om hi. Hihnu pen hoih mahmah ahihman in a U-pa Amnon in aamlah mahmah or enlah mahmah a, tuachiin lungsim bawl in a tawp ah, suam (tha gumhaat a buan) hi (A taangthu kimzaw a na et ut leh, 2Sam. 13 na sim in).

Amnon in Absalom sanggamnu Tamar a suamgawp ziak in Absalom tawh a kaal uah, kilemlouhna a hung kipankhia a, a tawpna ah a Uta (Unau) un kithah lawh uh hi.

Kisuamna or kitha-gum bawlna pen tuni dong a India leh leitung pumpi in a buaipihte uh lak a khat ahi. Tualai chiang in taksa kisuamna pen a gendan tuamtuam tampi a omta hi. Kisuamna or tha gumhaat a kibawlna in a gen ut pen ahihleh, ‘Mi khat utlou sasa a bang hiam bawlsak or utlou sasa a sil khat bawlsak teiteina,’ ahi a, hih pen eite lak ah zong tam mahmah hi.

 

Amnon Khelhna Bang?

Amnon in a bawllouh diing bawl a, or mi khat (a sanggamnu) a utlou sasa in sil khat bawlpih teitei a, tua a sil bawl pen diklou ahi, chih thei napi a, ngaihdam ngen utlouhna pen a khelhna lian pen suak hi.

Amon in a sil bawl a hoihlouh ahi chih thei napi-a, a sil bawl huu a, pan a laak teitei mahbang a, i sil bawl uh, leh i nna septe uh, diklou ahi chih thei napi-a, a huu teitei or mite theih diing a diksak teitei mihing pen, eite lak ah kitam mahmah hileh kilawm hi. Tuaziak in zu dawnte’n a siatna omlou, teep-le-muam zongsanghte’n zong a siatna omlou or a hoihlouhna omlou chi in, hoihkei chite i tangdeek ngam uh hi.

Sanggam aw, tunni in na Amnon lungsim paisan or nusia or paai inla na hinkhua a bawldik ngai a omleh bawldik mengmeng in, hileh Pasian leh mite deihsakna na ngahtheih na diing, hun hoih na neilai diing hi.

 

Absalom Khelhna Bang?

Absalom khelhna pen a U-pa Amnon that ahihman in mawh hi or khial hi. Khutkhelh thu a a thah ahikei a, tupna leh ngimna dettak or hoihtak nei a a sanggampa a thah ahi. Tuaziak in Absalom a dik ngaikei diing hi. Absalom in ngaihdamna neilou ahihman in khial hi. Absalom in itna neilou ahihman in khial hi. Absalom in deidanna or khentuamna nei ahihman in khial hi.

Absalom mizia or hindan tawh kibang mihing pen, i tulai hinkhua uah zong tam mahmah leh kilawm hi. Absalom in a sanggam khelhna or mawhna a ngaihdam theihlouh bang a, a sanggam mawhna or khelhna ngaidam theilou na hikha hiam? A hunlai peet in ngaidam in. Absalom in a sanggampa a it zawhlouh bang a, a sanggam it zoulou mi khat na hikha hiam? A kikheel masang in na it in, na sanggam in mawhpaihna a poimawh kei a, na itna a poimawh zaw hi. Absalom in a sanggamte lak a deidanna or khentuamna a neihbang a, na sanggamte lak a, it-tuam, ngaih-tuam, hehpih-tuam nei mihing khat na hikha hiam? Hibangte’n khantouhna saang a siatna hung puakzaw diing ahihman in, tawpsan mengmeng in. Absalom mizia nein a hikha maw? Kisiik in Pasian kiang hung zuan meng in, Toupa nang ngak a om ahi.

 

Hih a tung a thute na simna tungtawn in Toupa Pasian in Thupha Hung Peta Hen..

 

 

 

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more