Missional Message: Ginna Panglou Nnasep Asi Ahi.

 

By: Pastor Thangdoulal Suantak

 

Bible: Tuachimah bangin ginna ngeizong nasep panglou in asi ahi (Jakob 2:17).

 

Ginna kichi bang ahi? Chinjam Tombing’s English Paite Dictionary in a gendan in Ginna pen ‘Taksanna, Muan-ngamna chih leh Pasian gintakna ahi. Bible in, ‘Tualeh ginnna pen sil kinepnate theihchianna, sil muhlouhte aom a theihna ahi,’ (Heb. 11:1) a chi hi. Pastor Eager Lee Paschal in a genna khat ah, ginna pen step khat a pan li tan a omsak a, a lina pen ahihleh “Serving Faith” a chi a, ei haam in ‘Ginna Nna Sep,’ i chi diing ua, tuni a i kikup diing uh thute zungpi zong hih ‘Ginna Nna Sep’ ahi diing hi. 

1. Bible A Kimu Ginna Nna Septe.

I. Ahunloupi a kuang bawlna: Noah (Heb. 11:7)

            Na ginna ziak in bang hiam khat, a hunloupi hilezong na bawl-ngam

diam?

II. A chiinglaipi ta nei: Sarah/ Elizabeth/ Hannah

            Na ginna in a hung lawhchinsak diing ahi a, lungkiatna/ Tha-neemna a

hung piak diing hilou hi. A tung a i muh uh numeite pen, a ginna un

makaih hi. Na ginna in nang a hung makaih hiam?

III. A tapa neihsun thahsawm: Abraham (Gen 22)

            Abraham a diing a a manpha pen/ mantam pen a tapa ahi. Hilezong a tapa

saang a manpha/ mantamzaw Pasian ahihna a theihsiamna diing in,

Pasian in Abraham kiang ah a tapa ngen hi (Matt. 10:37).

 

2. The Empty Faith/ Easy Belivism:

Tualai in i Tualsung Biak-innte uah ‘Easy Believism’ i haau mahmahta uh hi. “Kei hundam ka hita,” ka chih a, Baptisma ka tan pouhleh, Saptuam a full communicant member ka hihleh a hun mahmahta hi. Taangtawn hinna nei ka hita hi. Bangmah ka bawl a ngaikei, kipuahthakna diing zong omkei, ka neek leh ka dawnte ziak a vaangam ka taanna diing bangmah omkei, LST in zong “Jesu na gintat a, sihna a kipan in a thouta chih na kam a na phuan leh,” a chih hi (Rom. 10:9-10), chi a khamuang bangzah i om ua?

 

I. Saptuam full communicant member chinna tawh vaangam kai sawm bangzah

    i om ua? Heihei …. Matt. 7:21, Toupa hung chi zousiah vaangam……  

 

II. Saptuam full communicant member i hihna uh i nna sepna uh tawh phoukhia  lehang kilawm zaw diing hi. Mikaangte paunak in, ‘Gentam saang in septam hoihzaw,’ a na chi hi.

            a. Taangthupha pen kilamdanna taangthupha ahi (2Kor. 5:17).

                Taangthupha ziak a na kilamdanna bang a om a? I pu-le-pate uh  

                 hunlai a pan a i na khanpih uh ‘Zu, Za, Tuibuuk,’ chihte na-ngawn

                 zong Jesu min a nusia zouloute i hihlai mawk uhleh, i Missionary

                 nna sepna uh bangsuakta diing la? Jesu min a Thesalonika khua a

                 Saptuamte kilamdanna pen tuni eite’n zong etton in nei ni (1Thess. 1:9).

 

III. Reality Check/ Ataktak Ki-etchianna.

Jesu lungsim i puakna diing ua, Jesu Khrist ginta a, amah lam a piangthakte i hi uh hi. Jesu Khrist lungsim leh deihnate na lungsung a a omtheih kei leh i pianthakna banglam e? chih enthak ngai maithei diing ahi. Cultural Anthropology  kichi laibu ka simkhaakna ah: “Mihing zousiah gamtatdan leh omdante pen a muhdan (world view) bangzel ahi a, tua a muhdan uh a gintat dan bang zel un gamta ua, ama’uh theihna leh ginna ah a omdante uh a dik hi.” a chi hi. Tuabang in mihingte pen i ginna uh tawh kituak a gamta lou kuamah ki-omlou hi. Tuni a na gamtatna pen Jesu Khrist a phuhdet ginna tawh kituak ahi taktak na hiam?

 

3. Ginna leh Nna Sepna Tup-le-ngim

Tuani a i ginna uh tupna leh ngimna, a paisawmna lampi khoilam zuan e? I ginna un a tup leh a ngim bang e? chiin khat khat in kidong lehang a dawngthei kitamlou maithei ahi. Ahihleh i nna senate uh kholiam zuan a pai e? chih dokna a dawngthei diing tamlou maithei i hi. Ataktak a chih in i Ginna uh leh i Nna senate uh tupna leh ngimna ahihleh Biakna ahi. Tualeh hih biakna pen secular world ah, khupdin/ khuttun/ khupbok chihte leh a dang tampi a om a, hihte pen physical expression ahi a, ataktak Biakna hilou hi. Ataktak biakna pen a kimutheilou lungtang sung a om ahi. Hih lungtang sung a om Pasian biakna a pulam a a kilatna pen i gamtatna tuamtuamte uh ahi.

Pasian nasepna tuam-tuamte (missions)  kuantoh, leh ngim pipen zong Biakpiakna mah ahi. Biakpiakna kichi, i ginna uh leh i missions uh tup leh ngim zong ahi. Aziak pen, Pasian thupina sung a nopsatak a Pasian biakna a Nam zousiah puaklut diing pen Mission deihna ahi hi. Tualeh Missions laigil penpen ahihleh Pasian thupina leh vaangletna sung a mihonpite lungdamna ahi hi. Laisiangthou in, “Toupa’n vaaihawm hi. Leitung nuam henla, tuikulh gam zousiah kipak hen” (Sam. 97:1) a chi a, “Pasian aw, mite’n nang hung phat hen la, nam zousiah in nang hung phat hen. Namte kipak henla, nuam in laa sa uh hen aw” (Sam. 67:3-4) a chi hi.

Ginna tup pipen Biakna ahih a, Missions tupna zong Biakna ahihleh Mi zousiah in Pasian a biak chiat theihna diing ua mawhpuakna kipiate eite hilou maw? Matt. 28:19 following… Na ginna pen Ginna hing a kichithei taktak diam?

 

 

 

 

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more