Jesu Nungzuihna leh Innsung Buaina
Khrist
a it leh ngaih, Jesu Khrist nung ka zuihkhawmpih saptuamte, i Toupa min in
chibai ka hung buk hi. Tuni a i sim diing uh thu ahihleh kum sawmnih tunglamte
a diing ahi.
Jesu
nungzuite i hi ua, vaantung dong a Jesu zuitou a Pasian kiang a taangtawn a
hing tawntung diingte i hi uh hi, chih theih masak diing in hoih kasa hi. Ahihleh,
taantawn dong a hing tawntung diing a leitung a Jesu nung i zuihlai un,
buainate a tam a, sil kilemlou tamtak a omkha diing hi. Tualeh leitung ah,
akibang saang a a kibanglou a tamzawk bang in, kilemna saang in kilemlouhna a
tamzaw diing hi. Aziak pen akibangte a kilem a, a kibangloute kilemlou hi.
Tutung a i ngaihsut diing uh pen, Jesu Nungzuihna leh Innsung Buaina chih
ahih dungzui in, hih dokna i kidong masa ut hi. Jesu deihna tawh kituak a
hinkhua zakna leh, nu-le-pa deihna tawh kituak a hinkhua zakna, khoi pen a
poimawh zaw a? Pasian limsak nu-le-pa neite a diing in a buai-huai kei maithei
a, hilezong eite lak ah, Pasian limsak nu-le-pa saang in, a limsak khem-khem
nu-le-pa, leh Jesu deihna zonglou leh zuih sawm khollou a Pasian awi nu-le-pa a
kitam ziak in innsung leh gamsung ah buaina tam mahmahta hileh kilawm hi.
Tuaziak in hih a nuai a thute limtak a ngaihsut diing in k’ung chial masa hi.
1.
“Mihing kuahileh, kei sanga anu ahihkeileh apa itjaw a omleh, amah pen kami
hitak ahi kei hi. Tualeh kuahileh atanu ahikeileh atapa kei sang a itjaw a om
leh, amah pen kami hitak ahi kei hi.” (Thangkhal V. Matt. 10:37). Pasian itna
tawh nu-le-pa, tualeh tate it diing chihlouh a ki-itna pen, Jesu nungzui mi
khat a diing in khelhna ahi diam? Eite pen ki-it daan siamlou ihih man un,
khasiat-muisiatna diing tam hi. Tate’n nu-le-pate Pasian mit tawh entheilou
mawk hang a, nu-le-pa’n zong tate Pasian mit tawh en siamlou hi hang. Pasian
mit leh klungsimin i lungsim uh a luahdimkeileh Jesu nung kizuithei taktak lou
hi. Pasian deihna zon diing saang a, ei deihnate zon diing a masa pen a
koih i hihman un, kilemna omlou hi. Pate deihna leh tate deihna kibanglou a,
nute deihna leh tate deihna zong kibanglou ahih man in ki-hau, ki-nial diing
bek a lampi omsun ahi. Hilezong i deihnate uh a kituaktheihna diing lampi khat
a om a, tua pen Jesu ahi. Jesu’n, “Keimah lampi leh, thutak leh, hinna ka hi;
keimah a pailou kuamah Pa kiang a tung thei kei hi,” (Jhn 14:6) a chi hi. Jesu
Khrist lampi zui chiat-chiat lehang kilemna a om diing hi. Hih diing a panla
masa diing nute, pate i hi uh hi. Aziak pen tate keem diing a mawhpuakna piak a
om masate i hi uh hi.
2.
Nu-le-pa hindaan leh Bible kituaklou a, tate buai hi. Tuachiang in tate heh ua,
nu-le-pate khasia uh hi. Hih pen innsung siatna kipat khat ahi a, hih saang a
nasezaw tamtak zong a omkha diing hi.
Bible
in sianthouna gen-gen lezong a kisiamtan teiteite leh suanlam zong, tate mai a
Pasian deihbang a hinkhua zang a kibawltawmte i hi ua, hilezong i omdaante uh
leh Pasian lungsim kituaklou tamtak om hi.
Zu
duhte’n zudawn a siatna omkei chi in siam a kitan ua, teep-le-muam muamte zong
tuamah bang in a kisiamtan uh hi. Tualeh zu leh teep-le-muamte saang a a
saangzaw deuh khamtheih tuamtuamte zongsangh (addicted) tampi nu-le-pate i om
uh hi. I hinkhua ua i zongsat uh silte in Pasian a kipan in a hung gamlasak a,
tuapen theilou in i ki-khamisak mahmah theimawk uh hi. Pasian tawh kilemna
omlou in mihing pen kimawklep haksa mahmah hi. Pasian aang a na kipiak theih
leh, na nu, na pa, na tate kiang ah zong na kipia thei diing hi. Hilezong
hihpen langkhat bek a kipan in a piangthei kei mai de aw chiin ka ngaihsut hi.
I unpi ua Pasian a i kipiak theih diing uh poimawh hi. Tate Pasian a kipia a,
nu-le-pate a kipiak kei leh kilem theilou a, nu-le-pa Pasian a kipia a, tate a
kipiak kei leh zong kilem theilou hi. Aziak pen Pasian a kipiate’n Pasian
deihna tawh kituakloute dou uh hi.
3.
Jesu nungzuihna in Jesu deihlouh leh hoihsak louhte dou a, Jesu deihte leh
hoihsakte hoihsa hi. Na tate Jesu Khrist a a pianthak ua, nang zu na kham zing leh, na tate tawh na kidou
diing mah ahi. Khentuamna nei mi nu, mi pa na hihleh, na tate uh bangzah in
khami le-uh zong kilemna omlou diing hi. Aziak, na tate uh khamitna pen Pasian
deihna bang hi a, nou a pen ZU deihna bang ahi. Khentuamna a nei mite’n a
khentuam daan uh theilou ua, khentuam a om mite bek in thei hi. Pasian gingta a
Jesu nungzuite’n Pasian lungsim i puak diing uh ahi. Pasian in eite khial a
mangthang diing a omlai, a itna in a hung zongkhia hi. Nute Pate aw, Pasian
(sutna, batna) melpuakna nei inla, itna tawh na tate uh zongkhia un. Tate aw,
noute tung a thuneihna nei diing a Pasian bawl na nu uh, na pa uh zah unla, it
un. Deek bawlkei unla, huambawl zaw un.
LST.
Matt. 10:36. … “Mihing melma pen ama innsung mite mah ahi ding hi.”
TOUPA’N
THUPHA HUNG PIA CHIATTA HEN
Comments
Post a Comment