PASIAN THUPHATE(dangka) EKOLTU HIHNA

 

~ Pastor Thangdoulal Suantak

What does God say about how we deal with our money?

Eima neihsa dangka sum-le-paaite tawh kisai in Pasian in gen-le-sak a nei hiam??

 

THUPATNA

ENKOLTU i chih uh English ah Steward a kichi a, hih pen Eimah a hilou bang hiam sil khat etkolna tawh kisai a mawhpuakna neihna ahi.

•        Etsakna: I Hinna uh eimah a hileh kilawm napi in, ei a saang a hong pia Pasian a ahizaw hi. Eite’n bangchibang in hih Pasian hung piak hinna i zang ua? Chih pen a neipa Pasian tawh kisai mahmah hi.

•        Pasian economy ah – Sum-le-paai pen vanhzak ahi a, hilezong leitung economy ah “money is a symbol of power,” a suak hi.

•        Tuni a Dangka sum-le-paaite na thununna nuai a na omsak kei leh, aman nang a hung thunun diing hi.

•        Ei Christiante’n double role hinkhua (Nek-le-taak, sum-le-paai zonna hinkhua leh biakna hinkhua, kibangloutak in) a kinei theikei hi. A neikha i om ua ahihleh, hichibang mi pen, Steward ahi theikei diing hi. (Matthew 6:24). 

•        Neitu hihna leh enkoltu hihna pen a kigamla mahmah hi. Sil khat pouhpouh ah, neitu hihna i neih chiang in enkoltu hihna pen a bei a, hih in Eden huan a Adam leh Eve khelhna ah a hung tunpih kiik hi. 

 

PASIAN THUPHATE ETKOLNA
Financial Stewardship

•        I tuni dinmun uh pen, Pasian a hung kipan ahi a, Pasian in neih-le-lam (sum-le-paai) ah thupha hung pia hi.

•        Deu 8:18 Toupa na Pasian uh thei gige un, vaangletna leh hauhsakna hung pia amah ahi… Ps 112:3 A inn uah gou-gil leh hauhsakna a om diing a.. (Pasian laaudan siamte).. 1Tim 6:17- Tu-khang a mihausate, a kisaktheih louhna diing uh leh hauhsaknate a kimuanpih louhna diing un thupia inla, Pasian a lam-etna ngazaw diing in gen in….

•        Neih-le-lam a thupha tampi ngahna in mihing hinna a manpha puam sak kei a, hilezong Pasian thuphate Enkoltu hihna ah, a mawhpuakna a liansakzaw hi.

•        Pasian thuphate Enkoltu hihna ah, piakkhiatna (Zeekna) pen mawhpuakna poimawhtak ahi hi.

•        Job Thawngno in, “I zogam ah, numei in sum zeek a pasal in zong, “Z” veve diing in zong saang zeek ut-huaizaw,” chi hi. Tuni’n nang Pasian hung piak thuphate bang chiin na zeek sawm a? Pasian a diing mah in na zeek diam or Nang mimal a diing in?

 

BANG DIING A FUNDRAISE BAWL A, PIA UN- PIA UN, K’UNG CHIH UH E??

•        Khatna: Piakna ahihleh Biakna ahi

•        Ps. 96:8, Toupa kiang ah a min tawh kituak thupina pia un; silpiakte hung tawi unla, a huangsung ah hung lut un.

•        Pro. 3:9-10, Na neih na lamte uh leh na lou ua na gahmasate uh tawh Toupa zahtaak un; 10 tuahileh na anbuukte uh kiningchingtak in a dim diing a, na tuikuangte uh zong grepzu in a dimlet diing hi.

•        1Chro. 29:10-16, … “Hilezong hih kiphalna silpiakte pe diing in, kei kua ka hia, ka mipite zong bang a leltak ua? Sil zousiah nang a pan a hung kipan vive ahi a, na neihsate mah hung pekiik hi ungh...”

•        LST mun 300 vaal ah silpiak tungtaang a kimu a, hih silpiak pen biakna leh kithoihna siangthou a tuat ahi.

•        Tuaziak in, “Toupa aw, hia’h ka om, keimah leh n’ung piaksa, dangka sum-le-paaite, na thupina diing in zangh in,” i chi thei diam??

•        Nihna: Piakna ahihleh Thumanna Nasep ahi.

•        Mal. 3:9-10, Kei n'ung suam ziak un, na nam pumpi ua—samsiatna a haamsiat na hi uh hi! 10 Ka inn a an a om theih na diing in, koihkhawmna inn ah na sawma-khat uh kimtak in hung tawi unla, hua tawh kei hung enchian un, gaalkaapte Toupa'n a chi; nou a diing a ka vaan tawlette hong in thupha kichingtak k'ung luangsak kei na hiam hung en un.

•        Lk. 6:38, Pia un, tuachiin piak in na om diing uh, sawndet in, hentaak in, tualeh letzen in na angsung uah piak in na om diing uh hi. Na tehna mah ua tehsak in na om diing uh hi.”

•        Silpiak in Pasian pen, sil zousiah tung a ahihna kilangsak hi. I silpiakte uh tawh Pasian i zahna uh i taklang uh hi.

•        Na silpiak in na Pasian muanna leh Amah na taaksapte hung piapa ahihna a kilangsak a, tua in, Amah kiang a na neih zousiah a na ki-aapna (surrender) phuangzaak hi.

•        Thumna: Piakkhiatna ahihleh thupha ngahna diing a lampi honna ahi.

•        2Cor. 9:6-8, Hih ka gen ahi, a thehtawm in a attawm diing a, a thehtam in a attam diing hi. 7 Mi zousiah in a lungtang a atup bang in pia hen, it kawm kawm, ahihkeileh piaklouh theihlouh a ngai a pia hilou in, aziak Pasian in kipaktak a piate a it hi. 8 Tualeh Pasian in hehpihna zousiah na tung uah a hung vukthei hi, tuachia nou bangchiklai peuh in sil hoih zousiah a bukim a omzing in, nasep hoih zousiah na semthei diing uh hi.

•        Philippi 4:15-16,19, Tu in nou Philippite'n tangthupha a hung om chiil a, Mesidonia gam a pat ka paikhiat lai in, nou chihlouh, saptuam dang kuamah in piak leh lak lam thu ah bangmah in a hung kithuahpih kei uh chih zong na thei uh hi. 16 Aziak, Thessalonika khua ah zong ka taaksap panpihna nung khak kik zel uh hi. 19 Tualeh ka Pasian in Jesu Khrist a thupina a a hauhsatna dungzui in na taksap zousiah uh a hung pia diing hi.

•        Mi dangte thupha hi diing a thupha piak a omte i hi uh hi.

•        Toupa’n a thupha hung piata hen… Bye Bye