Jesu Khrist, Misi Khua Ah!!

 


~ Pastor Thangdoulal Suantak

Tuni in Khristiante a diing a dokna poimawhtak i na kikumkhawm diing ua, tualeh hih dokna poimawhtak a i lut ma un, ngaihtute lak a hih YouTube channel subscribe lou i om ua ahihleh, na subscribe diing in i ki-ngen masa hi.

Tuni  i kikupkhawm diing uh Dokna Poimawhtak ahihleh, Jesu Khrist, a sih nung leh a thohkiikna kikaal ah, hell ah a vapai kha hiam?? Did Jesus go to hell between his death and resurrection?? Chih ahi.

Hih dotna poimawhtak tawh kisai in gen-le-sak a tam mahmah a, a thu kichiantak a dawnna zong in mi tampi kibuai kha diing in zong ka gingta hi. Tualeh hih dokna a hung kipatna or a hung dawkkhiatna ziak hi diing a ka gintat khat ahihleh, Apostle’s creed kichi Sawltaak liante thuginpi a “He descended into hell- Amah hell ah a kumsuk a” chih a kigelh ziak ahi maithei diing a, tualeh LST khenkhatte ah zong a ki-translate dan dik leh diklouh pen thu tuam hitaleh, Jesu hell a, a pai dan kigenna zong a om mawk hi. Hih tungtaang thu hoihtak a suut a, i theihsiamna diing un, LST in mi site omna mun tawh kisai a, a hung hilhnate i theihsiam masak diing uh poimawh ka sa hi.

Hebrew LST ah misi omna munpi or misi khua pen SHEOL a kichi a, hih pen “Misite omna mun or misite kha omna mun” chihna ahi. NT in SHEOL tawh kibang a, a kammal zakh ahihleh HADES ahi a, “Misite omna mun,” chihna mah ahi veve hi. Tualeh NT Bible mun khenkhatte ah SHEOL or HADES pen tomkhatsung omna diing mun dan in a na gen a, hua sung ah misi khate, thohkiikna nukhik pen leh thukhenna ngak in a om uh, a chi hi. Kilakna 20:11-15 na in, gawtmun leh misi khua, hades leh hell i chih pen a kibaklouhna kichiantak in a hung hilh hi.

Gawtmun pen mangthangte diing a, a teen denna diing uh or a taangtawn mun diing uh ahi a, Misi khua, Hades ahihleh tomkhat sung omna diing mun ahizaw hi. Mi tamtakte’n Meidil leh Misi khua (Hades) i chih pen a Hell dan a, a na ngaihsut ziak un a theibuai uh hi. Jesu a sih nung in, gawtmun ah a paikei a, hilezong misi khua (Hades) ah a paizaw hi.

 

Sheol/hades kichi anih a misi khua genna tuak ahih hang, lenggam nih ahihkeh mun nih a khen ahi chi a gen in a om a- a mun khat pen ahihleh nunnopna munpi ahi a, a dang khat pen ahihleh thukhenna (a place of judgement) a kichi hi. Hih tawh kisai a LST simbeh ut i om ua ahihleh (Matthew 11:23; 16:18; Luke 10:15; 16:23; Acts 2:27–31) ah muhtheih diing hi.

 

Hisung ah, Hotdamtate omna Mangthangte omna pen HADES chi in Bible in a na gen hi. Tualeh Hotdamtate omna ahihleh Abraham ang sung (KJV) chih leh Lk. 23:43 na dungzui in Paradise zong a kichi hi.

Hotdamtate leh Mangthangtate omna mun ahihleh Lk 16:26 na dungzui in Guam thupitak in a hal ahi. Tualeh Jesu Khrist asih in Paradise or Sheol nunnopna ah a pai a kichi a, Tualeh Khrist a ginna neiloute a unpi un misi khua (Hades) a thukhenna munpi lam ah final judgement ngak diing in a pai uh, a kichi hi. Hibangteng ahihtaak leh, Jesu Khrist Shoel/Hades kichi Misi khua ah a pai hiam? Chih i kidokna uh dawnna pen, hi, a pai hi, a gensa bang in shoel nunnopna lam ah a pai hi, chih ahi.

Hibang a dawnna kichian a om nung in zong a buaihuai thei diing a omlai a, tua pen ahihleh Ps. 16:10-11 na Hell ah ka kha na nusia den kei diing, chi a na kigelh pen ahi. Hell kichi gawtmun ahi a, Shoel/Hades (Misi khua) tawh kibanglou ahi, i na chihsa uh hilezong, hilaitak a Hell a ka kha na nusia denkei diing, chih kigelh pen abangdan ahia? Chih diing hita mai hi. Bible Scholarte’n a gendan un Ps. 16:10-11 na a Hell chih kammal pen Grave/Shoel chih zawk diing ahi, aziak pen Jesu’n, “Tuni in ka kiang ah, Paradise ah na om diing,” chi in Lk 23:43 ah a gen a, hell ah kimu ni a chikei achi uh hi. Jesu taksa haan a a om a, a kha ahihleh sheol/ hades nunnopna ah a pai hi, chi in a gen uh hi.

Tualeh Jesu’n a a sih kuan a, a thugenna Johan 19:30 na ah, “Zoh ahita,” chi a a thu gen in, eite thuakna diing mun a, a thuaknate a zousiangta chihna ahi. Tuachiin a Hades
kichi misite omna munpi a pai hi. Jesu hell ah ahihkeileh hades langkhatlam, thuakgimnalam ah zong a paikei a, hilezong Pa Abraham ang ah, ahihkeileh hades nunnopna lam ah a paizaw hi. Jesu thuakgimna pen a sih in a bei a, mawhman piakna piakzoh ahita hi. Tuachiin ama’n taksa a thohkiikna ni diing leh thupina a a kileh hun diing a ngakzaw hi. Jesu gawtmun ah a paikei a, hilezong sheol/ hades kichi misisate kha om munpi nunnopna lam ah a paizaw hi.

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more