AFRICATE PAUNAK




 ~ Pastor Thangdoulal Suantak


1.  1.  Pilna ahihleh Hauhsakna

2. 2. Sil kilawm leh etlawmte a bukim chihbang a om ngaikei hi.

3.   3.  Mi khat in a gammanna a kipan in lamthak zuih diing a muzaw hi.

4.  4.   Diamond in amah hoihsa leh etlawmsa diing neikei lezong, a manphatna a mansuah ngaikei hi.

5.   5.  Lawm hoihte lak ah tuisik noukhat zong, theitui limtak bang in a dawnkhawm theih hi.

6.    6. Na teeksiat nung a na omna mun in, na khanlai a na na omna mun a kilangsak hi.

7.   7.  Character hoih in meelsiatna a hoihsak theih a, Character hoihlou in, meel-hoihna zong meelsiatna a suaksak hi.

8.  8.   Dangka sum-le-paai a kizakh chiang in a beimang a, knowledge ahihleh a kizakh tam tan in a pung hi.

9.   9.  Dangka sum-le-paai ziak a zong (monkey) na kiteenpih leh, hua dangte a bei chiang in zong, zong (monkey) pen a ngai mahbang in a omden diing hi.

1 10.  Kikheelna piangsak diing a neu kisalua na hihleh, thoukang tawh kisaul in na zanhak kha naikei chihna ahi.

    11. Pilna ahihleh Baobab singkung bang ahi a, mi kuamah in a mahtang in a kawi theikei hi.

     12. Itna ahihleh nauseen bang ahi a, neemtak a kep diing ahi.  

 1  13 .  Numeite hoihna thupi pen ahihleh kamsiamna ahi.  

1   14.  Lawm diktak in na lungsung a na laasak a thei a, a thu na mangngilh lezong, aman a hungsak sak diing hi.

1   15.  Eite’n gualzawhna saang in guallelna ah sil i zilkhia zaw uh hi.

     16.  Kiletna a pumdim na hihleh, na sung ah pilna a diing oin room a omkei hi. 

     17.  Lampai na haat utleh na mahtang in pai inla, lamsau pai diing na hihleh, mida ngte tawh zawkkhawm a hoihzaw hi. 

1   18.  Pasal khat in na ihmut kaal a banghiam a hung lawh diing chi a a kichiam leh, pai inla nuamtak in ihmu in, hilezong numei ahihleh ihmu lou in hak tawntung in.

     19.  Mi maw in thu a gengen a (a phunsia a), mi pil in a ngaikhia hi. 

     20.  Bokbakna tungtawn in nauseen in lampai dan a zilkhia hi.

      21.  Pankhawm haatna ahi a, Kikhenna ahihleh haatlouhna ahi.

     22.  Naupang aktui gu a inn a hung tun chiang in zep in, bawngtal gu a inn a hung tun chiang in a zekai lua ta diing hi.

      23.  Pasal khat lai na hilhsiamna tungtawn in, mi khat laisiam na suah hi. Hilezong Numei khat lai na hilhsiamna tungtawn in innkuan khat laisiam na suah hi.

      24.  Pasal thagum suah gigete’n sil hoihtak a a ngaihsut diing a laau hi.

     25.  Na pu, na pa bangchia na pha e chih tawh kisai khalou a, nang pen na khantouh diing ahi.

     26.  Bawngchingpa lungdamtak a inn a hung tun chiang, a bawngnawi a hoih hi.

     27.  Mimawte bak in tuipi thuukdan a keeng tegeel tawh a the hi.

     28.  Singsaatna tungtawn in singsaatdan a ki-zilkhia zaw hi.

     29.  Na meelma tawh lumkhawm ngai numei pen gingta ngeikei in.

     30.  Pilna tellou theihna pen sehneel lak a tui bang ahi. 

     31.  Tate pen hinkhua a diing a lohman ahi.

     32.  Zong (monkey) kiang ah singkung a kahdan na hilhkha kei hi.

     33.  Tuni a loubawl kipan na hihleh, tuni mah in na lou a piangte na ne theikei diing hi. 

     34.  Zawnna pen a haksa mahmah a, hilezong zawnna saang in tangkhatna a haksa zaw lai hi.   

    35.  Na zotna lam na theihkei leh, nung kipatna mah ah nung kiik in. 

    36.  Lunglel kenla, zong lungneu ken, tu a na lunglelna pen na lohchinna diing a, a kot honna diing chabi ahi.

      37.  Vangsiatna pen, baihlam leh kinawhtak ahihziak in, vangsiatna in na lawmte, lawmtak leh lawmkhem a hong theisak hi.

     38.  Kumpipa pindan veh thimthem mi in a lawmte a betray taangpi hi.

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more