NAUZAW DEIHSAKNA: BANGCHI LAWMLAWM NA HIA PA?

 

TONGKUP-ZAITHA


“Pa aw, khua na muhlouh ziak a thei diklou na hi, a U-zaw pen na ziatlam ah a om a, a nauzaw pen pen na veilam ah a om hi.” Joseph chih di’n a kilawm..!

Pasian Laisiangthou ahihleh Pasian lungtang leh deihnate i theihna uh, Amah eite kiang a, a hung kilaakna zong ahi a, tuachiin Laisiangthou tungtawn in Amah i thei uh, a nna sepdante zong, bangzah hiam i thei-thei uh hi.

Hichibang a Laisiangthou tungtawn a Pasian mizia leh paidante i zillai un, tutung in lamdang ka na sak, hih thu ah Pasian dikkei leh kilawm e! ka na chih ngai khat ahihleh NAUZAW DEIHSAKNA thu ahi.

 1. Abel: Abel ahihleh Adam leh Evi tapa nihna ahi a, NAUZAW ahi a, a tanchin sSiamchiilna laibu ah a om hi. Tualeh Abel uu ahihleh Kain ahi a, amah pen Laisiangthou ah, loukhoupa chi a theih in a om a, Abel ahihleh belaampu chi a theih in a om hi. A unau un Pasian kiang ah kithoihna a bawl tuak ua, hilezong Pasian in Abel kithoihna a saansak a, Kain a pen a saansak kei hi. Tua ahih chiang in Kain in a sanggampa Abekl a thahloh hi (Siamc. 4:2-8). Tuachiin Thukhun Thak ah Abel ginna leh diktatna pen genbeh in a omlai hi (Heb. 11:4).


2. Isak: Isak ahihleh Abraham tapa nihna ahi a, thukhun tapa a kichi hi. Abraham in Hagar tungtawn in a tapa masa pen hi diing in Ismael neita lezong, Pasdian in Abraham tawh a thukhun paipih diing in Sarah tungtawn a piang Isak a teelzaw hi (Siamc. 17:19-21). Isak, tapa nauzaw hitalezong Pasian deihteel leh a kamchiam taangtunna ahi hi.

3. Jakob: Jakob, Isak leh Rebeka tapa nihna ahi a, a uu ahihkeh Esau ahi. Piangkhawm tale’uh zong Jakob in a uu Esau ngah diing thupha pen a ngahzaw daih hi. Hih unau tegeel kikaal ah a nu uh Rebeka in kigolhna thuuktak a nei a, diklou bang simsim in kilangta lezong Pasian in Jakob a na deihsakzaw hi (Siamc. 25:23). Tuachiang in Jakob pen Israel chi in Pasian in a siamkhia a, hih pen Pasian nam teelte a hung suakta uh hi.

4. Efraim: Efraim, Joseph tapa nihna ahi a, NAUZAW ahi. Efraim in a uu Manaseh saang in thupha a ngahzaw hi. Jakob in Joseph tapa tegeel thupha a piakna ah, Joseph in a tapa taak Manase hapa Jakob ziatlam ah a omsak a, a veilam ah a nauzaw Efraim a omsak hi; hilezong apa Jakob in a khut ziatlam pen a veilam a om Efraim tung ah a nga a, a veilam khut a ziatlam a om Manaseh tung ah a nga hi. Joseph in a muhtak in a lungnuam kei a, a gen hi; hilezong Jakob in a zahdah hi (Siamc. 48:13-20). This act symbolizes the reversal of expectations and God's sovereign choice.

Thukhun Thak, Luke 15 na ah zong, tapa nih a kimu a, a NAUZAWPA tung a, a pa lungdamna zong muhtheih in a om a, tualeh a uzawpa Khasia a, a pawtmangna thu zong muhtheih diing in a om hi.

Pasian in NAUZAW a na deihsak deuh mawngmawng ata diai le..? Hih NAUZAW huamna pen sil dikmah hithei na diing a diam? Ei Zomite tawndan tawh a kikalh mahmah a, theihsiam a haksa mahmah hi.

NAUZAW deihsakna pen eite lak ah zong a tam mahmah a, ka mit mahmah a ka muh zong a om hi… Hichibang ahihlai in ka ngaihtuah thuuk deih a, tuachiin ka theihthak khat a om hi.

Pasian pen eite muhdan leh theihdan chiangtan bek ahikei hi. Hih “Second Son” kichi Tapa nihna pen ahihleh “Tanchinpha - Gospel” suklatna a na hizaw daih hi…!

Mihing masa Adam khial in, hua khelhna ziak in a sita a, a hin kiik theihna diing in Second Adam a poimawh mahmah a, hua pen a tak a i muhtheih na diing un Pasian in “Tapa Nihna- Nauzaw” pen a na teel gige a, hilezong kuamah in theisiam lou hi.

Tuachiang in Jesu a hung piang a Amah pen Second Adam a hung kichi a, hua in Adam khelhna a si eite zong a hung hutdam theihna diing thaneihna anei hi.

“Mi masa, Adam pen, hinna nei mihing a siam ahi hi”; chia gelh bang in, hinanleh Adam nunung pen ahihleh hinna piatu kha ahi hi. Ahihhang in khalam a ommasakei a, salam a om masazaw hi, tuakhit in khalam a hung om hi. Mihing masa leivui a siam, leimi ahi a, mihing nihna pen vaan a kipanToupa ahi.” 1Kor. 15:45-47.

 

OMNUAM!
Next Episode ah kimu kiik ni aw..!

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more