Jesu, Mikhialte Lawm

TONGKUP-ZAITHA

Juda 7 na a i muhbang un Sodom leh Gomorah haaltum ahihna pen Pasian diktatna tungtawn a thukhenna, eite kisinsak theih na diing a om ahi a, tualeh Pasian itna in mikhialte a huamna zong kichiantak a muhtheih in a om hi. Jesu’n zong Sodom mite hinkhua pen hoih a sakpihkei a, hilezong Sodom hunlai mahbang in, mikhialte hundam diing in a hung pai hi (Matt. 9:9–17). Tuachi a leitung a nna a seplai in Amah pen, “Siah khonte leh mikhialte lawm” chi a theih in a om a, hua pen a dikmah ahi!

Abel sisan leilak a kipan a, a kikou mahbang in (Siamc. 4:10), Sodom leh Gomorah siatna zong leilak pan a kikou in Pasian kiang ah a tung a (Siamc. 18:20; 19:13), hua pen Pasian in, itna tawh bangtan hiam hu-ngaih in, ama’uhte ngaaklai hi; Pasian in dohzoutak in eite a hung ngaak a, kisiik a Amah kiang a i kileh diing uh kinem in, eite a hung thukhen khum paipai kei hi (2Pet. 3:1-9).


 Tualeh Sodom khopi haaltum ahihna diing hun a hung tun in, mi sawm kimu zoukei lezong, Ama’n a vaantungmite Lot leh a innkuante hunkhia diing in a sawl hi. “Khelhna a punna ah, hehpihna zong a pung hi” (Rom. 5:20). Lot hutdam a taak nai?

Ataak kholkei! Ahihleh eite zong, Pasian thangpaihna a kipan a hutdam taak i hi taktak na uai? Taak khollou!

Sillamdang mahmah khat ahihleh, Sodom khopi a mikhial site a diing in zong, Jesu Khrist thah in a om hi! “Aziak pen, Pasian kiang a, a hung zawhpih theih na diing in, Khrist in zong khelhna ziak in khatvei a thuak,” hi (1Pet. 3:18). Mi hoihte diing in Khrist a sikei hi; aziak pen leitung ah khiallou kuamah a omkei hi; Amah pen Pasian theiloute leh mikhialte diing in a si hi (Rom. 5:6). Sodomte bang in i khialkei maithei hi; hilezong ama’uhte mahbang a mikhial i hi uh hi; Jesu Khrist a ginna chihlouh Pasian thangpaihna tawh kipelh na diing lamdang a omkei hi.


“Muh baihlam a, a omlai in Toupa zong unla, a nailai in sam un; mi gilou in a omdante tawpsan henla, mi diktatloute'n zong, a ngaihtuahna dikloute uh nusia uh hen; ama'uhte a khawtuah theih na diing in, Toupa i Pasian uh kiang ah hung kileh uh hen, ama'n bukimtak in a na ngaidam diing hi” (Is. 55:6-7).


Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more