HEH KIDEK INLA, THANGPAIHNA TAISAN IN..!

 

TONGKUP-ZAITHA

Laisiangthou ah

Jakob tapa taak pen Reuben mun diing Joseph in a hung luah a (Saimc. 49:3–4; 1Kron. 5:2), 

tualeh Joseph tapa tegeel (Manaseh leh Efraim) in zong, Jakob tapa nihna Simeon leh Jakob tapa thumna Levi mun diing a hung luahtou uh hi (Siamc. 49:5-7). 

Tuachiang in, gamchiamna ah (Kanaan gam ah) Levi namte tanvou piak in a omkei ua, hilezong Israel gam pumpi ah, khopi sawmlite ama’uh a ahi (Kis. 18:20; Daan. 18:2; Josh. 13:33; 14:4; 21:1ff.); 

Simeon ahihleh Judah namte lak ah hipkang or a tummang phialta uh hi (Vai. 19:1-9). 

Hichibang a Pasian in ama'uhte tungthu a khenna ziak hehna leh thangpaihna a kipan a, a kidek theihlouh ziak uh ahi.

Hua kidek theihlouhna hung kipatna ahihleh Dinah leh Sekem tapa ahi; aziak pen Dinah ahihleh numei meel-hoihtak ahi a, hua pen Sekem tapa in a muhtak in deihlua ahi diing a, a zi diing in a na bawl hi. Tualeh Sekemte a hung kisa ua, Dinah innkuante (Jakob innkuante) kiang ah kampha tawh a hung hawh uh hi.

Hichih hunlai in, Simeon leh Levi pen, Sekem tung ah, a tatsia ua, lungtang ngoltoltak a, a hehsuakna ziak un Sekem khopi a pasal om teng a ban thah uh hi (Siamc. 34), tuachiin Pasian in hih thangpaihna leh hehna a kipan a, kidek theihlouhna pen gawtna in apia a, hua pen ahihleh tanvou neihlouhna asuakta hi. 

Gamchiam ah Levi in tanvou gam a neikei a, Simeon zong Judah namte lak ah hipkang or a thummang uh hi. Hih ahihleh Hehna leh Thangpaihna Gah ahita hi.... Poi hina lawmlawm e...

"Heh kidek inla, thangpaihna taisan in.

Kihehsuah kei in - hih in sil hoihlou a suahzaw hi." Laate 37:8.

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more