Amah Kipuaknatna ah Kibulphuh Ni..! Mission nna tampi sepkhiat sawm ni..!

TONGKUP-ZAITHA

Mission nasepna diing ah mi thupi leh mi hausa hih masak a ngaikei a, ginna a mi thupi leh zah-omtak hih masak diing zong a poimawh masa kei hi. Hilezong a poimawh masa pen ahihleh THUMANNA ahi. 

Pasian in a mission a semtu diing a mi a zon chiang in ginna a mi thupi hiam, mite zahtaak hiam, mi neizou hiamte a zongkei a, hilezong Ama thu zui diing a mansa a omte mah a zongzaw hi.

Hudson Tylor in zong, "Pasian in ginna a mi thupi saang in, Amah zui diing a mansa mimalte a zongzaw hi" a na chi a, zong a dik mahmah hi. 

Tuachiang in, Mike Stachura kichipa in Saptuam a tehna hibang in a na gen hi: "Saptuam thupi leh lian kitheihna pen ahihleh mi bangzah a touthei a or a biak-inn sung uah mi bangzah a touthei ua, chih lampang ahikei a, hilezong a Saptuam un Pasian nna sem diing mi bangzah a sawlkhia ua, chih ahizaw hi," a chi a, a dik mahmah hi. 

Saptuamte ki-ngaihtuah vengveng hun mahmah ngai hileh a kilawmna pen hih ahi:

1. Saptuam in mi bangzah Pasian nna sem in i ki-engage-sak zou ua? 

    a. Pastor kidaih maw? = A kidaihtaangpi sim hi.

    b. Evangelist kiching taktak mah hina maw? = Kidaihlou taangpi hi.

    c. Missionary bangzah i neizou ua? = Kisam tawntung taangpi hi. Bangloh di?

2. Tualsung a Pasian nasem diing mi bangzah i neithei ua? = Kidaih mahmah maithei ahi.

3. Pulam a Pasian nasem diing mi bangzah i nei ua? = Kidaihlou maithei ahi.

4. Gam tuam a Pasian nasem diing mi bangzah i sawlthei ua? Omlou maithei, om maithei- Saptuam tamzaw phial in kineilou maithei lai diing ahi.

John Piper in: "Pasian pen a Pasianna ah a kivei mahmah hi" a chi a, hih Pasian kiveina/ kipuaknatna pen ahihleh, "Leitung pumpi in Amah a biak diing uh," chih ahi.

Khovel in Pasian pen a Pasian hihna chiangtan a, a biakna diing ua mohpuakna piak a omte Saptuamte i hi ua, om mawk thei diing kihilou hi.

Nate Saint in, "Simple translation: Jesu Khrist in a neih kha pen ahihleh Mission kha ahi hi. eite Amah tawh i kinaihzawh tan un, Missionari a kisuak hi." a na chihbang ahi.

Tualeh C.T. Studd in zong hibang in a na gen hi: "Jesu Khrist Pasian ahih a, Amah kei diing a, a hung sih a ahihleh, Amah a ka hihna diing a, hih saang a thupizaw kithoihna dang a omtheikei diing hi." a chi hi.

Eite Amah a leh Ama mite i hi ua, Amah kiveina leh kipuaknatna a kibulphuh diingte i hi uh hi.

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more