SIMON KURINI HAMPHA NA CHIA!

 

TONGKUP-ZAITHA

Judahte Pawipi (Festival) lak a ngaihsak diak a om Paikaan pawi (Passover feast) ahi a, munchin-gamchin a om Judahte a diing a kithoihna poimawhtak bawlna pawipi zong ahi hi.

Tuachiin Kurini (Cyrene) khua a papi Simon kichi khat, Jerusalem ah hih Paikaan Pawi a kithoihna nei diing in a hung kuan hi; hichih hunlaitak pen Judah uliante leh Rome gaalkaapte’n Jesu a na mat hunlaitak uh ahi a, Jesu ahihleh Kalvari a singlamteh a khailup diing a Jerusalem pulam a, Judah uliante, mipite leh Rome gaalkaapte’n a hung pawtkhiatpih uh hunlaitak ahi (Mt. 27:32).

Jerusalem a kithoihna nei diing a deihna taktak tawh hung kuan Simon ahihleh, Rome gaalkaapte’n a na mantaang ua, theih ngailouh mi giloupa khat singlamteh puakpih diing in a zangta uh hi; aziak pen Rome gaalkaapte’n hichibang a mite pummat-theihna tha a nei uh hi (Mt. 5:41).

Mark in hih Simon kichipa a genna ah, “Alexander leh Rafa pianna pa” (Mk. 15:21) ahi achi hi; tualeh hih unau tegeel zong Saptuam ah mi tallang mahmah ahi tuak uh hi.

Tuachiang in, Rome gaalkaapte pummatna tungtawn in Simon leh a innkuante’n pianthakna diktak pen a ngah ahih tuak mahmah uh hi. Kithoihna belaam gou diing a Jerusalem a hung kuan Simon in, amah a diing a goh a om Pasian Belaamnou a kimaituahpih kha a, a hampha mahmah hi. Tuaziak in Simon Kurini mipa aw, hampha na chia! I chi uh hi.

Simon bang in na hampha kha-ta hiam? Nang a diing a hung kipia Jesu Khrist tawh na kimaituahta uh hiam?

 

Comments

Post a Comment

Popular posts from this blog

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more