NGAIHDAMNA
Pasian
Laisiangthou, Matthai 6:14-15, “Mi tatkhelhna na ngaihdam uh leh, vaan a om na
Pa un a hung ngaidam diing hi. Hilezong mi khelhna na ngaihdam kei uh leh, vaan
a om na Pa un zong a hung ngaidam kei diing hi.” chi hi.
Ngaihdamnaa i chih pen i mihing mihinzia a sil omtheilou leh mihing hihna a gen a, a hitheilou
himhim ahi.
Hun
khat lai in, singtaang khua khat ah, innveng ki-ngai mahmah a om ua, a innsakpa
in bawng a nei a, a innkhangpa in huan a nei hi. Tuachiin innsakpa bawng
innkhangpa huan a, a valut chiang in, a khatveina chi in a na ngaidam hi; a
nihveina ah zong a ngaidamlai a, hilezong a thumveina pen ah, tu a pen a
thumveina hita, ngaidam theilou diing, chi hi.
Ataktak
a chih in, innkhangpa in innsangpa ngaihdam taktak henla hileh, a huan a
innsakpa bawng a lutzahvei pen simlou diing hi; tualeh ngaidam taktak henla
hileh, a lut laisiah a khatveina hi tawntung diing ahi. Hichibang pen eite
mizia ahihziak in, mihing hihna a gen in ngaihdamna pen a hitheilou ahi.
Mi
zousiah in i mi hinpih dangte a kipan in natna khat chiat a kinei taangpi hi.
Gantate ahihleh ganta dangte tungtawn in a naa ua, mihingte zong hua mahbang in
mi dangte, a diak in i kinaihpih mahmahte, i it diakte, i innkuante, i lawmte, i
zi hiam pasalte hiam a kipan in suknat in i omkha zeel uh hi.
Hichibang
a lungsim nat-vilvelnate i thuak chiang un, ngaihdamna poimawhna a hung kilang
a, hih ngaihdamna ei mihing haatna in a zoh-zohlouh mizia ahihziak in, hilaitak
ah Pasian a hung kipan ngaihdamna tawh mi dangte ngaihdam theih na pen a hung
poimawh diakta hi.
Tualeh,
ngaihdamna a Pasian a kigolhkei a ahihleh, bawng khawipa leh huan neipa baktheih
gige ahi. Pasian tawh kizopna thuuktak sung a kipan in mi dangte ngaihdam utna
pen a om a, hih utna tungtawn in mi dangte/ ei hung natsak mahmahte ki-ngaidam
thei hi.
Ngaihdam
pen Philip Hodges in, “Forgiving is a supernatural act of a person who has
surrendered self, plans, will, and life in obedience to God and who choose to
extend the kind of forgiveness he or she has received.” A na chi hi.
Jesu
in a nungzuite kiang ah hih NGAIHDAMNA thu a hilh a, tuachiin atak in zong a
musak hi; Amah kitheihmoh bawl a kilepsan Peter a nuaksan kei a, a ngaidam hi;
Amah zuakpa Juda Iskariot zong a hehsan kei a, a ngaidam hi; a sihna diing a chi-le-haa
tawh pangte zong singlamteh a kipan in a ngaidam hi.
Hichibang
ahihleh, nang leh ke’n zong i zuihpa uh Jesu bang a, eite hung nasak mahmahte,
hung kitheihmoh bawl a, hung kilepsante, leh hung zuakkhia gige mite zong i
ngaihdam theih ngei-ngei diing uh ahi.
Hih
ngaihdamna in mi dangte khelhna simlou in zong chiamteh denlou hi. Hibang in mi
dangte na ngaidam theita sam diam?
Comments
Post a Comment