Van Tanchin// TONGKUP-ZAITHA

 

TONGKUP-ZAITHA

Eimite’n taangthu a i na gen ngai uh Vaan tanchin ah thangvan, leengvan, alvaan chihte tawh kibang sim in, 2Kor 12:2 ah, Sawltaak Paul in, “Vaan thumna” thu a na gen a, hilezong i teenna uh leitung a kipan in vaan lam tanchin theihsiam a haksa mahmah a, vaan lam tanchin i theih sun uh leh mite genna i zaak sunte uh zong, Bible thu a theihna gil neizawte ngaihdan ahi a, a dik taktak ahi, a kichi ngam taktak kei hi.

Tualeh Vaan lam tanchin i theihsiamna diing ua vaantung mah a i om uh ngai diing hileh kilawm bangtak a, a kilatlai in, alou-theilou a vaan lam tanchin i zon uh a ngai hi. Aziak pen eite a diing a i Toupa Jesu’n inn nuam a lamna leh i taangtawn mun diing uh zong ahi hi.

Leitung a theihtawp-suah a i kikhual ua, innhoih-louhoih i buaipih bang ua, tu hun a i omlouhna, den ni chiang a i omna diing pen uh i ngaihtuah uh a ngai mahmahta hi. Aziak pen, Khrist enton leh nungzuite i hi ua, amah bang a sihna pan a thou a, hinna a lut diing a kinemte i hi uh hi.

“Ngai un, thuguk ka hon hilh ding hi! I vek un i ihmu khol kei ding ua, himahleh i vek un pengkul nanungpen agin chiang in, sawt lou kal in, Mitphiat kal lou in hihlamdan in i om vekta ding; pengkul ging ding ahi ngal a, huchi in misite muat thei lou in kaihthoh in a-om ding ua, eite leng hihlamdan in i omta ding uhi. Hiai muat thei in muat theihlouhna asilh ding ahi a, hiai sithei in leng sih theihlouhna asilh sam ding ahi. Huchi a hiai muat thei in muat theihlouhna asilh a, hiai sithei in sih theihlouhna asilh hun chiang in, huai hun ngeingei in, “Zohna in sihna avalh zouta,” chih thugelh ahong tung ding hi. Huaiziak in ka unau deihtakte aw, kiptak in, hihlin vual louh in, Toupa nasep phatuam ngaitak a sem gige in om un, na sepgimna uh Toupa ah athawn ngei kei chih na thei uhi.”

1 KORINTHTE 15:51-54, 58 PAITBSI