GAMDAAI/GAMMAANG SAPNA

 

TONGKUP-ZAITHA

MOSI KIANG A PASIAN THUPIAK// GAMDAAI/GAMMAANG SAPNA

Pasian in gam khat a nei a, hua gam pen khuaizu leh bawngnawi luanna mun ahi, chih pen Pasian Laisiangthou hung hilhdan ahi.

Hichih hunlai in Pasian mite, (Leitung a Amah min a pua diing a, A teel namte) ahihleh Egipt gam ah saltaang in a om uh hi.

Hih saltaanna a kipan a Pasian thupha omna mun, Pasian gam ah, Pasian in a mite a paisak in a tawldamsak nuam mahmahta hi. Tua chiang in Pasian in a mite thupha a pia nuam mahmah a, tualeh a tu dinmun uh haksatna zong a thuakpih mahmah hi.

Tuachiin Pasian thupha namkim a omna, khuaizu leh bawngnawi a luanna, Pasian in a mite diing a, a koih gam a, a mite a puilut theih na diing in Pasian in a mite a sam a, hilezong a sapna mun a deihhuai kei a, zong a uthuai kei hi. Aziak pen Pasian a thupha namkim a omna mun a, a mite a omsak a, khamuang a, a teensak theih na diing a, a sapna mun ahihleh Gaamdaai/ Gammaang ah ahi.

Pawtkhiatna 5:1 ah, “Tua nung in Mosi leh Aaron Faro kiang ah a vapai ua, a kiang ah, “Toupa, Israelte Pasian in, ‘Gamdaai a kei diing a biakna-pawi a bawl theih na diing un, Ka mite paisak in,’ a chi hi,” a vachi uh hi.

Khaile!

Bangziak a Pasian in a mite tawh a kimuhna diing a gamdaai a teel ahia? Pasian in hilaitak a, a deih bang ahia le!

Pasian in a thupha namkim a omna mun, khuaizu leh bawngnawi a luanna mun a, a mite a omsak masang a, a kimuhna diing ua gamdaai a teelna ziak ahihleh, thupha i chih pen a manpha in a hoih mahmah a, hih thupha a ngahte a diing in a thupha neipa mangngilh pen sil baihlamtak ahihziak ahi taangpi hi.

Tuaziak in Pasian in, “Gamdaai a kei hung kimuhpih lou a, thupha omna gam a, a lut paisuak ua ahihleh, hua thupha omna gam ah kei a hung theipha kei diing ua, nuamsa in a khial diing uh hi,” a chi zong ahi hi.

Pasian in gamchiam (Thupha omna gam) na neih diing uh khawk a sakei a, na hauhsak diing zong Ama buaina ahikei a, hilezong Amah na theihzing louh diing pen ah a lung himoh mahmah hi.

Hichibang ahihziak in Gamdaai ah a nung kimuhpih nuam hi.

Israelte a diing in hih gamdaai mun pen, lungkhamna, mangbatna, chihmohna, beidonna, ai-am a omna, lungleen lunghelna chihte a omna mun ahi a, duh leh ngaihte lunggulhna mun ahi! Nang a diing in bang ahia?

Hih thute a lunglutna na neih leh hung kimuhpih in!

Toupa’n thupha hung pia hen!

 

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more