Joseph in a Puansilh Nihvei Mansuah a, hilezong a Mizia pen Mansuahlou hi!
Kithu-nunzohna
ahihleh mizia hoihtak lamtouhna diing leh lamkai hi diing a kisinsakna ahi.
“Amah
leh amah kithu-zohloute pen, kulhbang neilou, khopi chimzaksa bang ahi hi.”
(Thu. 25:28).
Kulhbaang
a omkei leh a ut zousiah lut in a potkhia thei hi.
Joseph
in mahni kithu-nunna a hinkhua ah a hingsak a, hilezong Samson in a taksa pen,
ama nopsakna diing in a zangzaw hi.
Joseph
in buu khat hihna tawh leengtouna ah a hinkhua a zou a, hilezong Samson in a
taksate innsia kawm a vui in a omsak hi (Vai. 16:23–31).
Joseph
in tutung a, a puansilh a mansuahna pen a nihvei chinna ahita a (Siamc. 39:12;
see also 37:23), hilezong Puritan preacher kichipa khat thugendan hileh,
“Joseph in a puansilh a mansuah a, hilezong a mizia a kembit hi,” a chi hi.
Hichih
hunlai in Potifer pen Egipt solkar buu tampite lak a khat ahih na ah, bang
diing a Joseph mohna pen enchain lou ahia, ahihkeileh zong bang diing a tawpsak
mailou ahia? chih doktheih diing in a om hi. Bangteng hitalezong Pasian in
Joseph diing a, a suangtuahna a paipih ahihna ah, sil omdan zousiah thununtu
Pasian ahi masa phot himhim hi.
Mi
hing hinkhua pen a nuam leh a haksa tawh kidim, nopna leh dahna in a um kiimkot,
taanglai khopite kulh a kikhohkhum uh bang a, a hung kulhkhoh ahi.
Rev.
Dr. JM Paupu in, “Leitung ah a nungta Pasian i mat khak kei leh, leitung pen a
hai-huaipi ahi,” a chihbang in, Pasian tawh pangloute a diing in leitung
hinkhua pen a buaihuaipi ahi, a nop vanglak chiang a lah thakhaksa, a haksat
vanglak chiang a lah thuakhak veve ahihziak in, Joseph bang in Pasian mah tawh
zawkkhawm lehang hoih pen hi.
Comments
Post a Comment