Halhthakna Meikuang!....

 

TONGKUP-ZAITHA

"Mi tampite'n halhthakna meikuang 

a tun hun diing  ngak ua, hilezong 

halhthakna meikuang in beel hawm 

(empty vessels) a ngakzaw hi!"

 ~ Maria Beulah

i gamsung ua halhthakna a tun diing pen mi zousiah deih leh kipahna ahih chiang bek ahikei a, Khristian zousiah leh Saptuam leh Fellowship zousiah lunggulh pipen zong halthakna ahi. 

Hilezong halhthakna  a omna diing leh a tuntheih na diing in eite'n i lungsim uah buaipih diing hau lua hilehang a kilawm mahmah hi.

Halhthakna meikuang a tuynna diing leh a hung tuntheih na diing in beel hawm (Empty vessel) a poimawh mahmah hi.

Laisiangthou in mihingte pen beel bang in a hung gen a, tualeh Pasian pen Beel-khengpa leh a bawlkhiapa bang in a gen hi. Tua ahihziak in eite pen Beel khengpa khut a om tungman bang i hi uh hi.

Tuaziak in, i gam sung uh leh i nam sung ua, Halhthakna meikuang a tunna diing in nang leh ke'n mawhpuakna liantak i nei ua, hua mohpuakna pen ahihleh Beel Hawm (Empty Vessel) i hih diing uh ahi.

Bible ah nupi meithai khat in, taksa ah leh kha ah, halhthakna a na tang a om ua, hua pen hibang in a kigelh hi. 

 "Kamsaang pawlte lak a pasal khat zi Elisha kiang ah a hung kap a, “Na sila, ka pasal a sita hi; tualeh na sila in Toupa a zahtaak hi chih zong na thei hi. Hilezong a leibatnapa a hung kuan a, ka tapa tegeel a sila diing in a kaita hi,” a chi hi. Elisha in a kiang ah, “Bang hung bawlsak leng chi na hia? Gen in, na inn ah bang na neilai ei?” a chi hi. Amahnu'n, “Na silanu'n inn ah, sathau neng themkhat bek chihlouh bangmah ka neikei hi,” a chi hi. Elisha in, “Kuan inla, na inn vengte kiang ah beel hawm vakawm inla, na tawm kawmlouh diing ahi. Tuakhit chiang in inn ah na tate tawh kong kikhaakkhum unla, tuachiang in tua beel hawmte ah sathau sun kipan un; a unpi a a dim chiang in tuamkoih zel un,” a chi hi. Tuachiin amahnu Elisha kiang a kipan in a pai a, a inn ah a tate tawh kot a kikhaakkhum ua, tuachiang in a tate'n beel hawmte a hungtawi ua, amahnu'n a na sung dim zel hi. Beel hawm zousiah a dimtak in, amahnu'n a tapa khat pen kiang ah, “Beel dang hung lakbeh in,” a chi hi. Hilezong ama'n a nu kiang ah, “Beel hawm a beita hi,” a chi hi. Tuakhit in sathau a luang nawnkei hi. Amahnu a hung pai a Pasian mipa kiang ah hih thute a ung hilh hi. Tuachiang in ama'n a kiang ah, “Pai inla, tua sathaute vazuak inla, na leibate dinkhia in, a dang omlai teng pen, nang leh na tate kivakna diing hita hen a chi hi” 2Kumpite 4:1-7.

Toupa Thupha!

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more