TONGKUP-ZAITHA: BIBLE STUDY

 

TONGKUP-ZAITHA: BIBLE STUDY

Siamc 2:22. Nakguh: 

Judahte’n numei tawh kisai a, a genthang uh, a tawndan ua thuchin khat a, a chiamteh khat uh ahihleh, “Pasian in numei a bawllai in, pasal keengnuai a kipan in a bawlkei, tuachi a pasal in a thunuai a, a pumkoih louhna diing in, tualeh a lu tung a kipan in zong a bawlkei hi; tuachi a numei in a thuneih khumlouhna diing in, hilezong, amahnu pen pasal baan (arm) nuai a kipan a bawl ahi; tuachi a pasal in hoihtak a, a kepna diing in; tualeh amahnu pen lungtang tawh kinaitak a kipan a bawl ahi; tuachi a, pasal in a it mahmah na diing in,” chih ahi.

1Kor. 11:3,8 nate a i muhbang un, numei pen pasal a kipan a siam ahi; tuachi a pasal in sil dangteng saang a, a zi a ngaihsak masak pen na diing in ahi. Hih pen Eph. 5:28 na a i muhbang ua, nupate kipumkhatna a kipna diing a, pasal in a zi pen amah taksa a it a, a kep a, a poimawh ngaih bang a, a it diing, a kep diing, a poimawh ngaih diing deihna ahi. Hibang kipumkhatna diing a mohpuakna pen pasal tung ah ki-ngazaw deuh hi. Aziak pen numei ahihleh pasal nakguh ahi hi.