Bitna Khopi (Joshua 20:1-9)

 

Topic: Bitna Khopi (Joshua 20:1-9)

Joshua laibu a i khualzinna uah, tuni chiang ah, gaaldounate, thahat leh haansan suah a ngaihnate tengteng baan ah, gam hawmna zong i zouta ua, tuni in, Bitna Khopite, chih thupi a nei in, a hun hawmthoh huaitak ah, tamlou i na kikumkhawm diing uh hi.

Bangteng hileh, Delhi a diing in, tu hun a kikhopna neih pen challenging mahmah ahihna ah, tuni a, i Toupa Pasian leh Saptuam vei na liantak neikawm a, hung kikhawmte, na unpi un, i Toupa Jesu min in chibai k’ung hi.

 

Bitna Khopi, Pasian Khotuahna

Bitna Khopi kichi pen, khutkhialte kihutdamna diing a Pasian siam ahi. Pasian in mihingte a dikna uh sihpih diing in a deihkei hi (Pawt. 21:12-13, “Mi khat in mi dang khat a vuaklup leh, tua mi volumpa thah teitei diing ahi. Tup mawng hilou a, Pasian nna sepna a tung a tungkha ahihleh, keiman a taina diing mun ka sehsak diing hi”).

Mi dikte Dikna tanvou piak diingdan a thei Toupa ahi. Etsakna: Pawlpi khat ah, hun khatlai in, a Siapa uh khat, sum thu a diklou a ngoh in a om a, tuachiin a puuksiatna diing a sum negu a mat ahi a, a Sia hihna zong paihsak ahi; hichibang a mite’n leivui kidenna diing hita e! Siapa pen a puuksia taktak hita e! chih ngaihdan a neihlai un, Toupa, amah dikna a thei a, tuachiin a taaina diing mun a sehsakna ah, amah nuamtak in a om hithiat a, hua mun ah, a Sia hihna masa saang in a Sia hihna thupizaw a ngah a, tuni dong in, Toupa in amah a ompih ahi diing a, mi tampite lunggulh ahihvang a tunzohlouhna usa ah bang kileh zakzak theita hi.

Lungtang a tupna neilou a zong khelh theih thamtham ahi; hilezong hichibang a khialte Toupa in a hutkhiatna diing lampi a na koihsak hi; hilezong tupna kichian nei a khialte, tup mawng a khialte ma-vaang a vaak kei a, Pasian in zong hichibang mite mai ah hoihna a koih kei a, siatna a koihzaw hi (Pawt 21:13).

Hih Bitna khopi pen Pasian in Mosi tungtawn a, a na patsa ahi (Kis. 35:9-34; Daan. 19:1-13) a, Hih pen Joshua hun a hung kisemkhia ahi. (LST Sim ni: Jos. 20:1-9).

Hih Khopite’n tupna neilou leh khutkhelh ziak a, mi thatkhate a diing in, kihumbitna Mun Siangthou a bawlsak hi.

Bitna Khopi Lamlian:

Judah laigelhmite gendan in, hih

Bitna khopite lamlian pen hoihtak bawl ahi a, a

siatna a om lezong puahthak ahi gige a, tualeh

a lampi kaa-thuamte ah sign post hoihtak a bawl

ahi a, huate’n Bitna khopi tunbaih na diingte a

kawkmuh uh hi. Tualeh hibang a nna semte pen

a khopi nei Levi namte ahi ua, a lamlian

zunpha-phate zong Levi namte mah ahi uh hi.

(Source: https://biblehub.com/library/

Judahte lak a Levi mite ahihleh, Pasian nna sem diing a kipete ahi ua, fuul-time worker ahi uh hi; tuachi mahbang in tulai a Pasian nna sem a i zak uh i Pastorte uh, Evangelistte uh, Missionary-te uh, Saptuam in full-time worker a i neihte uh ahihziak un, eite a diing in, Bitna Khopi lamlian hung kawkmuhte a suakta uh hi. Tuni a Bitna Khopi poimawhna neite’n Pastorte hung kawkmuhna lampi zui ni!

Mi Khialte Diing a Kot-honsak Pasian ahi.

Leitung kivaihawmna leh ngaina daante ah, mi khialte a diing in kuamah in lamhoih a bawlsak ngaikei a, mi khialte ngaina (fans) leh it zong kuamah kivaihawmna daan ah, a om ngaikei hi.

Leitung in Mikhialte humbitna diing bangmah a neihlouhlai in, Pasian in mikhialte humbitna diing a nei a, Bitna Khopi dongkot honsa in a omden hi. Kikhak ngailou ahi.

Hih Bitna Khopi sung a om nunnopna leh khamuanna pen Judah mi khialte’n a na chiamta uh hi; hisung ah lungkhamna a omkei a, puakgik zong a omkei hi.

Hih Khopi pen mi khialte a diing a hon ahi a, a sung ah Levi namte a teeng uh hi. Toupa Jesu in “Mi khialte sam diing a hung pai ka hi,” a chihbang in, Gingtute in i manawh ua om Bitna Khopi pen mi khial, a khelhna uh khuhsak a omte a diing a bawl ahi; hichibang ahihziak in, Pasian in, “Hung pai un, ngaihtuah khawm ni” chi in Isai 1:18 na ah a na genta hi.

Bitna Khopi dawngkot a kihong den a --- Khrist zong a kihong den hi.

Bitna Khopi zuan a taaite pom ahi masa ua, tuakhit chiang in a thubuai uh ngaihtuah ahi.

Bitna Khopi in hunpaisate a nuaimang kei a, hilezong mailam diing ah tatna a pia hi. (The city didn’t erase the past—it redeemed the future.)

 

“Toupa min pen, innsaang muanhuai ahi; mi diktatte a sung ah a taailut ua, a bit uh hi.” — (Proverbs 18:10). Aziak pen siamtante ahi ua, dik a simte ahita uh hi.

“Hehpihna leh zahngaihna i muhtheih na diing un, hangsantak in hehpihna laltouna pen i naih diing uh hi…” — Hebrews 4:16.