Tuni a Pastorte Thugen Hoih Khenkhatte
Tuni
Ppfd Fasting Program Hunzakna A Pastorte Thugen Hoih, Chiamteh Diiing A
Koihtuam Tamlou Ka Na Koihte, It Kawmkawm In Kung Pekhia Mai Aw!
1.
Rev. Lalsiesang:
Na houlimna in mi
dangte saang a nang mahmah hung mantang diing ahihziak in, thu hoihte bek ah
houlim in. Innsung hi henla, kholak hitalezong, thu hoih a kigenna munte bek ah
om tam inla, thu hoih a houlimna a omlouh na ah om kei in.
Behlapzek aw!
“Na houlimna in
nang hung khenglamdang (convert) diing ahihziak in na houlimna ah pilvang in,”
chih thu Pastorpa kam pan a ka zaak laitak in ka lungsim ah sil tampi a om a,
Emau lampi a paikawm a kihoulimte ka ngaihtuah khe-zungzung hi.
Tuachi a ka
ngaihtuah saau deuh a ahihleh, tulai in i innsung leh gamsungte uah i houlimnate
uh kha, ngaihkhiak ngam diing zong hi nawnlou hileh kilawm tamtak omta hi in ka
thei hi. Social Media a mi tamzawte kihoulimna bang i sim suksuk a ahihleh, kha
a khantouhna diing thute genkhak in a omkei a, Pastor leh tomngai khenkhatte in
gospel article a gelhte uh bang dem ngam ki-omta houh ahita mawle! Ka chi
vungvung mai a, ka chi a liap phialphial hi.
I gam ah a
nam-nam abeh-beh a houlimna tamlua inchin, hua i houlimnate un hung
khenglamdang mah zong a hikha diing a, namdangte (i kibatpih louhte) ki-sanggam
muhtheilou mahbang in ka mu hi. Nang bangchibang in na mu a? Manipur a
Christiante maw, i worldview uh etthak in hoih leh kilawm ka sak hun bang tam
mahmah mawk hi!
Aban nang hung
behlap awle:………………………………………………..
……………………………………………………
2.
Rev. E. CHinzamang:
“Toupa hoih hi,
Amah phat ni.” John 15:1-17. “Kei ah om gige un”. Khrist ah, haksat hun,
lungkham hun, dah hun, nop hun leh kipah hun in zong, om gige ni! Toupa ah hunteng
in om gige ni.
Behlap zek
diam! Khawl oh, nang behlap masang deuh in ke’n tamlou kung behlap masa aw! Pastorpa’n
hih thu a genlai in, “Eite lak ah, Toupa a om gigena mizia pen a om taktak mah
ahi hiam?” ngaihtuahna ka na neikha man zeel hi. Tuachiin ka lungsimsia pen
hung khangtou ahita diam hibang in ka ngaihtuah khia-kha hi; “Tulai in
Khristiante lak ah, Toupa a om gigena mizia pen a tamkei a, hilezong dangka (sum-le-paai)
leh khovel silte ah ki-omzawta hilou ahi hiam?” ka chi hi.
Nang
bangchibang in na na ngaihtuah kha-sam a? hung genbeh ve maw!
……………………………………………………………………………………….
……………………………………………………………………………………….
3.
Rev. Ginlianmang:
Hos. 1:1-3.
Read: “Israelte bang a Pasian angkawm sante hita hilou i hi uh hiam? Vaantung
kidouna pan a paihkhiat a omte’n Pasian miziate a deihgaw ziak uh hilou maw
paihkhiat a, a om uh? Hauh utna, lalna, thuneihna deihna mizia i chihte’n
Pasian kalh in hung omsakta hilou ahi hiam? Pasian kiang ah i kiik thak diing
uh hi (Hos. 6:1)”
Pastorpa thugen
ka zaak laitak in, “Pasian kiang a kiikna bek eite diing a lampi omsun hit amah
e!” chi in ka na ngaihsut hi. Nang bangchi in na na ngaikhia a, hung behlap vel
eh ……..................
...............................................................................................................................................
...............................................................................................................................................
Comments
Post a Comment