Lunglel ke’n!

 


✍️ Pastor Thangdoulal Suantak 


Mi khenkhatte a diing in na haatlouhna laitak pen a hung demtheih na diing uh mun hoih penpen a na hikha maithei diing hi. Lunglel ke’n!

Huabang a mi hung demna laitak pen mah ahi, nang hung it leh ngaitute’n a hung it ua, a hung ngaihna uh! Theisiam inla, Lunglel ke’n!


Kuamah lamkhang tuankhial/ sikkhial lou omlou a omkei a, hua pen ei hung ngaina lou leh itloute hung demna zong a hikha diing hi. Lunglel ke’n!

Hichibang a i khetot diing pen i sikkhialna mah uh ahi, ei hung ittute leh hung na ngaihsakte’n a hung nusiat ngamlouhna uh. Theisiam inla, Lunglel ke’n!


Mite gensiat i hi thamtham diing uh hi; aziak pen i tulai khovel paidan uh hibang hita ahi. Hilezong lunglel ke’n!

Hichibang a mite demna leh gensiatnate, haatna leh pilna a zaksiamna pen mi manpha hihna mizia thupitak ahizaw hi. Theisiam inla, Lunglel ke’n!


Eima mimal hinkhua a theichian taktak ngellou a, hung demsia leh hung gensiatute thugen a tak bang a pom mawk pen ei mohpuakna ahikei hi. Lunglel ke’n!

Mite hung theihdan dik leh diklouh a buai saang in, i lampi zuih pen tangtak a zuihsiam sawm a panzawk diing ahi a, hih pen sil hoih leh hangsan huai mahmah khat ahi. Theisiam inla, Lunglel ke’n!


Lamkim tunna ah bangkim a chiangkei a, a tawp i tun masangsiah un, bangkim mai ah zil a sin diing a om zeel hi. Lunglel ke’n!

Zing chiang a mi thak hih diing i utu a ahihleh, tuni tanchin luita pen i nusia vengveng diing uh hi. Theisiam inla, Lunglel ke’n!


Toupa’n hung ompihta hen!

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more