03 MARCH 2025: INTERNATIONAL WOMEN’S DAY LEH PASIAN LAISIANGTHOU
Amasa in, tuni a hih thu na zaa leh
simkha NUTE leh Saptuamte na unpi un i Toupa Jesu Khrist min in chibai a hung
buk hi.
Tuni a noute tawh International Women’s
Day leh Pasian Laisiangthou chih ngaihdan kikumkhawm thei diing a hunpha hung
pia Pasian ka phat a, thupite Amah ka pia hi.
Leitung masawnna leh khantouna
nasatak a, a tunlaitak ahi a, hih hun poimawh leh deih omtak a pangkha sam
diing in i Toupa Pasian in eite zong a hung teelkha a, i kipak mahmah hi.
Ka article gelhsate khat ah, “Leitung
ah kikheelna nasazaw a, a tunna diing a Numeite Poimawhna,” chih zong a na sim
un or youtube ah a nan gai un, chi in zong kung ngen hi.
Eimite lak a numeite ngaihsakna pen
a ngiam mahmah a, tualeh numeite pen innsung ah sila (slave) bang phial a
ki-ngaihsun zong a na om thamthamta hi.
“Numei na taw-dim in tou in” chih
kammal na hakzak namte i na hihziak un i numeite uh (numei leh numei), a hung
kinial uh hiam, a hung kisual uh hiam chiang a, a omdante uh pen gen-ngam diing
hilou hi. Kihou ek-ek mai uh ahi.
Hizahta a nam tuantualte i hihlai un,
eite saang a na mitvaak masazaw namte in, i numeite uh tawisaang ahihna diing
a, bangbang hiam a hung bawlte uh pen a hoih mahmah a, hilezong a hoih taktak
mah a na mawle, chih ngaihtuahna ngaihtuahna a om ahihman in, hih a nuai ate i
ensuk diing uh hi.
Numei Tungtaang a Khovel Mite Muhdan: Leitung in numeite pen a na poimawh ngaih mahmah uh zong ahi ngei
diing a, “Nu leh Pa, kua pen a thupizaw?” chih debate (kinialna) Ajmal Memorial
College, Hojai in 2017 kum in thupitak in a na bawl a, hua debate (kinialna) ah
Nu lam a pangnu in a zou hi. Tu in hichibang hung hitalezong, ni danglai in
Numeite pen 2nd Class citizens a koih ahi a, hih pen leitung pumpi
ah ahi hi.
Tuachiin UK (United Kingdom) ah
Numeite pen education hoih piak ahikei ua, numei naupangte school kaisak lou in
pasal naupangte school a na kaisakzaw uh hi. Tuachiang in sepna leh sum-le-paai
ah zong mawhpuakna saangtak a piak in a omkei ua, a poimawh tenten ua ahihleh,
a nget thoh vevaw uh ahi a, a na nuainung mahmah uh hi. Tualeh a neihsunte uh
zong pasal a neih chiang un a pasal ua ahi zeel hi; khotaang leh innsung a ama’uhte
mawhpuakna thupi penpen ahihleh Zi ahih diing uh, tuachiang a Nu ahih diing uh
ahi. Tualeh ama’uhte pen kilawp tawntung diing, dohthei diing, mi ngaihsak
diing, tualeh ameel uh (figure and face) a hoih diing, chi in a na lam-en uh
hi. Tualeh hite saang a haksazaw leh nuainungzaw in numei khenkhatte’n hinkhua
a zang uh hi. Eimite lak ah zong, hih ngaihtuahna pen a na lian mahmah a,
tuachiin tuni dong in, numeite pen kuangsawp diing dan in kikoih den a, a
numeite mahmah zong hua diing mah in ki-ngaihsun thei mawk uh hi. Hichibang a
numeite second class citizens a koihna pen sil hoih leh dik hilou hi, chi in mi
tuamtuamte’n laibu leh article tungtawn in a hung sual ua, tuachiin numeite
dopsaanna diing thu a hung om hi.
Hih neumeite dopsaanna diing a pan
kilakna tampite lak ah, tuni International Women’s Day (IWD) chih zong khat ahi.
Hih International Women’s Day in a tup pi pen ahihleh GENDER EQUALITY
ahi a, IWD tungtaang a Beijing Declaration a om a kipan a, a kum 30 chihna ahi.
Tualeh IWD 2025 in a tup pipen ahihleh, “Rights, Equality and Empowerment and
Accelerate Action” chih ahi. Hih ngaihdan hoih mahmah pen Pasian Laisiangthou
in Recommend lou deuh hileh kilawmzaw hi.
PASIAN LAISIANGTHOU in Numeite pen a pasal ang a, a kituhlut diing achi hi. “Zite aw,
Toupa kiang a bang in nouma pasalte kiang ah kituhlut un” (Eph 5:22).
Ephesians 5:22-33: "Wives, be
submissive to your own husbands as unto the Lord. For the husband is the head
of the wife, just as Christ is the head and Savior of the church, which is His
body. But as the church submits to Christ, so also let the wives be to their
own husbands in everything."
I Peter 3:1-19: "Wives, likewise, be submissive to your own husbands, that even if some do not obey the word, they, without a word, may be won by the conduct of their wives, when they observe your chaste conduct accompanied by fear."
PASIAN LAISIANGTHOU in Gender
Equality package sung a om “Rights, Equality and Empowerment and Accelerate
Action,” chihte a hung hilhkei a, Numeite pen ama’uh pasalte thunuai a, a
kituhlut diing uh, chi in a hung hilhzaw hi. Tualeh Pasal in zite simmawh theih
chihna pen ahituamkei, Pasian Laisiangthou in huate phallou a, zite it diing in
hung hilhzaw hi. Numei a pasal a akituhlut kei a, Pasal in zong a zi a itkei
leh hite innkuan pen kisia diing hi.
Hichibang ahihziak in Pasian Laisiangthou
thu mah a kiphutkip Khristian Nute i hihna diing un tuni International Women’s
Day zang chiat ni.
Toupa Thupha
Comments
Post a Comment