Thuakna laigil Hehpihna Ahi, chih thu tawh kisai a Haanthawnna

 

By: Pastor Thangdoulal Suantak

Khrist a it leh ngaih Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante’n lung kituaktak in chibai ka hung buk hi.

Thuakna-le-natnate’n leitung a luahdimta chih i theihsa uh leh, hichibang thuakna kawmkaal a eite hung humbit diing Toupa Pasian i nei uh hi, chih zong i thei uh hi. Hilezong Pasian in a hung humbitlouh hun, a hung thudonlouh hun zong om hileh kilawmtak bang in, hun haksate zong i thuak uh hi.

Bangziak a Hehpihsiam Pasian in thuaknate i tung ua a tunsak e? Pasian Hehpihna eite a diing a thuakna suakta ahi hiam? Neek-le-taak haksa, sum-le-paai zonna zong haksata, taaksapna vive ahihziak a innsung a kilem-kituakna omlou, kiphunsanna, ki-nialna, leh dik kituhna vive hita, lungnopnate, hinna a muannate om nawnlou, haksatna vive, ka sum-le-paai neihte lah tawm semsem, antang man lah tam semsem, ka sumbawm hawm deuhdeuh, meh man tam deuhdeuh, neek-le-taak diing zong kaikhawm zoulou phial diing hita ingh chi a lung zawngkhaaltak a om i om hiam? Thuakna laigiltak ah Pasian Hehpihna a om hi.

 

1. Danial leh a lawmte THUAKNA en in, ei COVID-19 natna, EBOLA natna leh a dangdangte saang in lau-huaizaw hi. Tumphualpi (Meikuang thupitak)

Sung a paih diing ahita ua, thakhat a meikuang in a haaltum a, a sih diing uh chihlouh bangmah a baan diing, muhtheih omlou hi. Hilezong meikuangpi sung a a kipaihtaktak chiang in, Pasian in nna sem hi. Na lung zawngkhaalnate, na thuakgimnate Pasian min bek tawh thuak teitei, Pasian hung kipan dekdekta ahi, chih theikawm in Amah muang in, Toupa’n hung nuselou diing ahi. Daniel laibu a na sim in.

 

2. KIAL a si diing silou Kamsaang Elijah, Meithainu, leh a tapa, leh a dangdangte a hinkhiatdaan uh ngaihtuah in. Elijah hunlai in, Israel kumpipa a tatkhial a, tuachiin Pasian in a gam uah kialpi tungsak a, tua kialpi pen Elijah leh Pasian a diing a mi muan-huai tamtak in zong a thuak uh hi. Hilezong Pasian in a mite hinna diing a ngaihtuahsak a, Elijah a diing in Va-ak, Meithainu leh a tapa a diing in Elijah chihte, lampi tuamtuamte zangh in Pasian in a mite vaak hi. 1Kumpite bung 17 a na sim in.

 

3. Innsung mi, U-le-naute muhdahna tangh hita ingh chi a, tha-nem na kisak a, na lungneu khaak leh Joseph hinkhua en, kum 17 ahih a kipan in a sanggam pasalte’n thah a sawm pa uh ahi. Hilezong Pasian a muang kawmkawm a hinkhua a zak chiang in, a muan Pasian in amah tawisang a, Egypt ah governor in vapangh hi. Joseph thuaknate ngaihsut inla, thathak la in, Pasian in na haksatnate thei hi.  Genesis bung 37-47 tan a na sim in.

 

Na tawpna hi diing a na ngaihsutnate pen, Pasian in nang tawpna hi diing a a na ngaihsutna hilou maithei ahihziak in ngaihsut thak inla, Pasian mah beel tinten in, THUAKNA kichite pen HOIHNA diing tupna hitaangpi hi.

 

Thuakgimna a om chiang in Hehpihna  omlou chihna hilou hi. Hilezong Hehpihna omzia diktak I theihsiamna diing un thuakgimna a om hi.

Eite pen Pasian tate i hi ua, i sih nung chiang ua Pasian kiang a tung diing a Jesu gingta a, a nungzuite i hi uh hi.

LST Pro. 23:13-14

Na tate bawlhoihna diing in kikham kenla;

 chiang tawh zeep in, a sikei diing uh hi.

Ama'uhte chiang a na zeep a ahihleh,

a hinna uh Haankhuuk a kipan in na hundam diing hi.  Toupa Thupha

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more